"100 ناقتى قادام" – ۇلت جوسپارىندا كورسەتىلگەن مەريتوكراتيا قاعيداسىنا سايكەس قازاقستان رەسپۋبليكاسى پرەزيدەنتى اكىمشىلىگىءنىڭ كەلىسىمىمەن جانە اكىمنىڭ وكىمىمەن باتىس قازاقستان وبلىسى اكىمىنىڭ ورىنباسارى بولىپ نۇراليەۆ ايدار اللابەرگەن ۇلى تاعايىندالدى.
نۇراليەۆ ايدار اللابەرگەن ۇلى 1986 جىلى تۋعان,بءىلىمى جوعارى. ءال-فارابي اتىنداعى قازاق ۇلتتىق ۋنيۆەرسيتەتىن, "بولاشاق" باعدارلاماسىمەن لوندوننىڭ ۋنيۆەرسيتەت كوللەدجىن, جەنەۆا بيزنەس مەكتەبىن "حالىقارالىق قۇقىق", "قۇقىقتانۋ", "جوبانى جانە كورپوراتيۆتىك باسقارۋ" ماماندىقتارى بويىنشا تامامداعان. اعىلشىن ءتىلىن ەركىن مەڭگەرگەن, ىسكەرلىك اكىمشىلىك ماگيسترى. پرەزيدەنتتىك جاستار كادر رەزەرۆىنىڭ مۇشەسى.
ايدار نۇراليەۆ ءار جىلدارى باتىس قازاقستان وبلىسىاپپاراتى ۇيىمداستىرۋ-باقىلاۋ جۇمىستارى ءبولىمىنىڭ باقىلاۋ جونىندەگى جەتەكشى مامانى, قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگى حالىقارالىق قاتىناستار دەپارتامەنتى رەيتينگتىك اگەنتتىكتەرمەن جانە حالىقارالىق ەكونوميكالىق ۇيىمدارمەن ءوزارا ءىس-قيمىل باسقارماسىنىڭ ساراپشىسى, قازاقستان رەسپۋبليكاسى پرەزيدەنت اكىمشىلىگىنىڭ ستراتەگيالىق ازىرلەمەلەر ءجانە تالداۋ ورتالىعىنىڭ ساراپشىسى, باتىس قازاقستان وبلىسى اكىمىاپپاراتى باسشىسىنىڭ ورىنباسارى, قازاقستان رەسپۋبليكاسى قارجى مينيسترلىگىنىڭ حالىقارالىق قارجىلىق قاتىناستار دەپارتامەنتىنىڭ ديرەكتورىنىڭ ورىنباسارى, اتىراۋ وبلىسىنىڭ ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى قىزمەتتەرىن اتقارعان. 2020 جىلدان باستاپ قازاقستان رەسپۋبليكاسىەنەرگەتيكا مينيسترلىگى ستراتەگيالىق جانە اقپاراتتىق دامۋ دەپارتامەنتىنىڭ ديرەكتورى لاۋازىمىندا بولعان.
ول باتىس قازاقستان وبلىسى اكىمدىگىندە قارجى,ەكونوميكا جانە بيۋدجەتتىك جوسپارلاۋ ماسەلەلەرىنە جەتەكشىلىك ەتەتىن بولادى. بۇل قىزمەتتە وسى كەزگە دەيىن بولعان بيبىگۇل قونىسباەۆا باسقا جۇمىسقا اۋىسۋىنا بايلانىستى قىزمەتىنەن بوساتىلعان.
باتىس قازاقستان
