سپورت • 24 ماۋسىم، 2020

فۋتبولدى دامىتۋ تۇجىرىمداماسى قوعامدىق تالقىلاۋدان وتۋدە

14 رەت كورسەتىلدى

بيىل "Ertis" فۋتبول كلۋبى ەلىمىزدىڭ 2020 جىلعى پرەمەر-ليگاسىندا ويناۋدان باس تارتقانى بەلگىلى، - دەپ حابارلايدى Egemen.kz.

ال، بۇل ماسەلە وبلىستىڭ، ەلىمىزدىڭ فۋتبول سۇيەر جانكۇيەر قاۋىمىن ەلەڭ ەتكىزدى. وبلىستىق تۋريزم جانە سپورت باسقارماسىنىڭ باسشىسى مارات ايداشەۆتىڭ مالىمدەۋىنشە، بۇعان سەبەپ ERG دەمەۋشىلىگىن توقتاتقان. قارىز كۇننەن-كۇنگە جينالۋدا. وسىعان وراي، چەمپيوناتتاعى ويىندى توقتاتۋعا تۋرا كەلگەن.

سوندىقتان، باسقارماسى الداعى بەس جىلعا ارنالعان وڭىردە فۋتبولدى دامىتۋ تۇجىرىمداماسىن دايىندادى. وندا نەگىزگى باعىتتار، ولار بويىنشا پروبلەمالار جانە ۇسىنىلاتىن شەشىمدەر كورسەتىلگەن. وبلىس تۇرعىندارىنىڭ ۇسىنىستارى مەن تىلەكتەرىن قامتيتىن جوسپاردى ازىرلەۋ ءۇشىن تۇجىرىمداما قوعامدىق تالقىلاۋعا شىعارىلادى.

ماسەلەن، وڭىردە فۋتبولدى 5 باعىتتا وزگەرتۋ ارقىلى دامىتۋ ۇسىنىلدى.

ءبىرىنشى باعىت – باسقارما، فۋتبول كلۋبتارى، وبلىستىق فۋتبول فەدەراتسياسى قىزمەتى اشىق بولۋ كەرەك.

ەكىنشىدەن، فەدەراتسيانىڭ جۇمىسىن جاقسارتۋ،  فۋتبولدى دامىتۋ جونىندەگى كەڭەس قۇرۋ، تمد مەن ەۋروپانىڭ جەتەكشى كلۋبتارىمەن ىنتىماقتاستىق جاساۋ  قاجەت.

ءۇشىنشى جانە ءتورتىنشى باعىت – بالالار مەن جاسوسپىرىمدەر، ستۋدەنتتەر جانە جاستار فۋتبولىن دامىتۋ.

بەسىنشى باعىت ارقىلى - فۋتبولمەن شۇعىلدانۋدى ءتيىمدى ناسيحاتتاۋ ءۇشىن فەدەراتسيا مەن اۋەسقوي جارىستاردى ۇيىمداستىرۋشىلاردىڭ اراسىندا ىنتىماقتاستىق ورناتۋ، اقپاراتتىق جۇمىستى كۇشەيتۋ جانە ازاماتتاردىڭ جەكەلەگەن ساناتتارى اراسىندا جارىستارعا قولداۋ كورسەتۋ  ۇسىنىلدى.

ال، قوعامدىق تالقىلاۋ بيىلعى 20 شىلدەگە دەيىن جالعاسادى. قابىلدانعان ۇسىنىستار مەن تىلەكتەر ءوڭىردىڭ 2020-2025 جىلدارعا ارنالعان فۋتبولدى دامىتۋ جوسپارىن ازىرلەۋ بارىسىندا ەسكەرىلەدى.

1

 

پاۆلودار وبلىسى

سوڭعى جاڭالىقتار

ۇقساس جاڭالىقتار