ەكونوميكا • 24 ماۋسىم، 2020

«اياننىڭ» ابىرويلى ءىسى

36 رەت كورسەتىلدى

جەر­گىلىكتى جەردە ءونىم ءوندىرۋ اي­رىقشا ماڭىزعا يە. ال وندىر­گەن ءونىم تالعامپاز تۇتى­نۋ­شىنىڭ كوڭىلىنەن شىعىپ، ابى­رويعا يە بولسا شە؟

وسىدان ءۇش جىل بۇرىن انار ستانساسىندا «ايان» ديىرمەن-ماكارون كومبيناتى پايدالانۋعا بەرىلگەن بولاتىن. از ۋاقىتتىڭ ىشىندە وندىرگەن ونىمدەرىنىڭ ساپاسىمەن تۇتىنۋشىلار تاراپىنان ءتاۋىر باعا الىپ ۇلگەردى. قازىرگى تۇتىنۋشىنىڭ تالعامى دا قاتاڭ. نارىق قاعيداسىنا ساي ءدامى، ءتۇسى، ءيىسى كوڭىلدەن شىقپاسا، وندىرگەن ءونىمى ساۋدا سورەسىندە جاتىپ قالۋى دا ىقتيمال.

نەگىزىنەن، نۇر-سۇلتان قالاسى تۇرعىندارىنىڭ داستارقانىنا ادال ءدامىن ۇسىناتىن ۇجىم ەڭ الدىمەن وزدەرى وندىرەتىن ءونىمنىڭ ساپاسى مەن باعاسىنىڭ قولجەتىمدىلىگىنە باستى نازار اۋدارادى. ماكارون ونىمدەرى بيدايدىڭ قاتتى سورتتارىنان بارلىق تەحنولوگيالىق ءتارتىپتى ساقتاي وتىرىپ، يتاليالىق قۇرىلعىدا دايىندالادى.

جوبا قۇنى – 3 ملرد تەڭگە. ونىڭ 1 ملرد تەڭگەسى ءوز قارجىلارى بولسا، 2 ملرد تەڭگەنى نەسيەگە العان. تاۋلىگىنە 150 توننا ءبىرىنشى، ەكىنشى، ءۇشىنشى سورتتى ۇن ۇگۋگە قۋاتى جەتەدى. 11 ءتۇرلى، جالپى كولەمى 20 توننادان استام ماكارون ونىمدەرىن دايىندايدى. قازىر كومبيناتتا 60 ادام تۇراقتى جۇمىسپەن قامتىلعان. ايلىق ورتاشا جالاقى 90 مىڭ تەڭگەنى قۇرايدى. جۇمىس كوزى تابىلا بەرمەيتىن ات توبەلىندەي ستانسا ءۇشىن بۇل ۇلكەن كومەك. جۇمىسشىلارعا دا قولايلى جاعداي تۋعىزىلىپ وتىر. شەتتەن كەلىپ ەڭبەك ەتەتىندەرگە ارنالىپ قوناقۇي تۇرعىزىلعان.

ەلوردانى ازىق-ت ۇلىكپەن قامتۋ بەلدەۋىندە ورنالاسقان كومبيناتتىڭ قارەكەتى كوڭىل توعايتارلىق. اۋىل شارۋاشىلىعى ونىمدەرىن ءدال وسىلاي وڭدەي بىلسەك، ورگە شىعارىمىز ءسوزسىز.

 

اقمولا وبلىسى،

ارشالى اۋدانى

 

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار