قازاقستان • 23 ماۋسىم، 2020

كوروناۆيرۋسپەن كۇرەس: 343 ادام "حالىق العىسى" مەدالىمەن ماراپاتتالدى

32 رەت كورسەتىلدى

ورتالىق كوممۋنيكاتسيالار قىزمەتىندە وتكەن ء"بىز بىرگەمىز" ونلاين-فورۋمىندا كوروناۆيرۋس پاندەمياسىمەن كۇرەستە ەرەكشە كوزگە تۇسكەن ازاماتتار "حالىق العىسى" مەدالىمەن ماراپاتتالدى، دەپ جازادى Egemen.kz

اقمارال اعزامقىزى

دەنساۋلىق ساقتاۋ، ءبىلىم بەرۋ، الەۋمەتتىك قورعاۋ جانە پاندەميا مەن كۇرەستە ەلەۋلى ەڭبەك ەتىپ، جەمىستى جۇمىس ىستەگەنى ءۇشىن رەسپۋبليكا بويىنشا ءتۇرلى سالانىڭ 343 مامانى ماراپاتتالادى. ولاردىڭ اراسىندا 60 دارىگەر، 39 پوليتسەي، 30 اسكەري قىزمەتشى، 41 ۆولونتەر، 34 مەتسەنات، 38 مادەنيەت جانە ءبىلىم وكىلدەرى، 25 باق قىزمەتكەرى بار. ماراپاتتى قر پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ، قر اقپارات جانە قوعامدىق دامۋ ءمينيسترى ايدا بالاەۆا، قر دەنساۋلىق ساقتاۋ ءمينيسترى مىندەتىن اتقارۋشى الەكسەي تسوي، قر ىشكى ىستەر ءمينيسترىنىڭ ورىنباسارى الەكسەي كالايچيدي جانە قر مەملەكەتتىك قىزمەت ىستەرى اگەنتتىگىڭ توراعاسى انار جايىلعانوۆا تابىستادى.

"وسى ساحنادا ءوزىمنىڭ ەڭبەك جولىمدى ەسكە الدىم. كارديوحيرۋرگياداعى 15 جىلدا قۋانىشتى جانە قايعىلى ساتتەر بولدى. بىراق، ءدال بۇگىنگىدەي قاتەرلى پاندەميا سالدارىن كورمەدىك. بۇل كوروناۆيرۋستىڭ ەرەكشەلىگى – بالالارىمىز بەن اتا-انالارىمىزعا زاقىم كەلتىرىپ جاتىر. بۇگىن تاڭەرتەڭ ءوز ارىپتەسىمە جانساقتاۋ جۇيەسىن ورناتتىم. بۇل وتە قورقىنىشتى. ءبىزدىڭ ۇنەمى جۇمىستا بولىپ، وتباسىمىزدان جىراقتا جۇرگەنىمىز ءۇشىن ەمەس، ۆيرۋستىڭ شەكاراعا باعىنبايتىنى قورقىنىشتى. باقىتىمىزعا وراي، ناۋقاستاردىڭ كورەر جارىعى بار نەمەسە ءۇمىتسىز دەپ ءبولىپ جاتقان جوقپىز. بارلىعىن بىردەي ەمدەۋگە تىرىسۋدامىز"، دەدى ۇلتتىق عىلىمي كارديوحيرۋرگيا ورتالىعى بولىمشەسىنىڭ باسشىسى تيمۋر لەسبەكوۆ ماراپاتتاۋ راسىمىندە.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز