انت – ادالدىق رۋحى. حالقىمىز "انتتان اتتاعانى – اردان اتتاعانى", - دەيدى. ياعني, ادامزات نورمالارىنىڭ قالىپتاسقان شەگى ار بولسا, ونى بۇزۋ وپاسىزدىققا جاتادى. تالاي عاسىر حالقىنىڭ ەركىندىگىن سىرتقى جاۋلاردان قورعاعان قابانباي, بوگەنباي, ناۋرىزباي سىندى باتىر بابالارىمىزدىڭ, كەشەگى ءفاشيزمنىڭ وتىن وشىرگەن مايدانگەر اتالارىمىزدىڭ اماناتتاعان وتانىمىزدىڭ تاۋەلسىزدىگىن قىراعى كۇزەتۋ - ەڭ ۇلىق قىزمەت, مارتەبە.
وسىنىڭ ايعاعى, بۇگىن قازاقستان رەسپۋبليكاسى ۇلتتىق ۇلانى "وڭتۇستىك" وڭىرلىك قولباسشىلىعىنا قاراستى باۋىرجان مومىش ۇلى اتىنداعى 28237 اسكەري بولىمىنە اسكەري بورىشىن وتەۋگە كەلگەن 200-گە جۋىقسارباز بابالارىمىزدان امانات رەتىندە مۇرا بوپ قالعان قازاقستاننىڭ ۇلان-بايتاق جەرى مەن ەلىن اقتىق دەمى قالعانشا قورعاۋعا سالتاناتتى تۇردە انت بەردى. انت راسىمىندە قازاقستان رەسپۋبليكاسىنىڭ مەملەكەتتىك تۋىن كوتەرۋ مارتەبەسى ۇزدىك جاس سارباز سۇلەيمەنوۆ ىدىرىس ابۋباكىر ۇلىنا بەرىلدى.
انت قابىلداۋ راسىمىندە ءسوز العان 28237 اسكەري ءبولىمىنىڭ كومانديرى پودپولكوۆنيك دانيار قاسىموۆ: "جاس ساربازدار, سىزدەر بۇگىن ءاسكەري انت قابىلداپ, وتان قورعاۋشىلاردىڭ قاتارىنا قوسىلعالى تۇرسىزدار. وسى ۋاقىتتان باستاپ سىزدەرگە جۇكتەلگەن مىندەت تە زور بولماق. ويتكەنى, ءاسكەري انت – اسكەري ءومىردىڭ وزگەرمەيتىن زاڭى. وندا وتاندى قورعاۋدىڭ, ونىڭ ىشىندە حالىققا جانە زاڭدى سايلانعان پرەزيدەنتكە ادال قىزمەت ەتۋدىڭ ايقىن بەلگىلەرى بار. اسكەري ءومىر قانشالىقتى قيىن بولعانىمەن, جارعىمەن بەلگىلەنگەن تالاپتاردى ورىنداۋ - پارىز جانە قاسيەتتى مىندەت. سىزدەردىڭ مىندەتتەرىڭىز - وزدەرىڭىزگە جۇكتەلگەن تاپسىرمالاردى جاۋاپكەرشىلىكپەن ورىنداۋ. تۋعان جەرىمىزگە تەر توگىپ, انتقا ادال بولۋ", - دەپ, جاس ساربازدارعا جالىندى سوزدەرىن ارناپ جىگەرلەرىن جانىدى.
ۇلتتىق ۇلان قاتارىنا قوسىلىپ, وتان الدىندا انت قابىلداۋلارىمەن ساربازداردى ءبولىم قولباسشىلىعان بولەك 28237 اسكەري ءبولىمى ارداگەرلەر كەڭەسىنىڭ توراعاسى ويشى ارىن ۇلى قۇتتىقتاپ, ولاردى قابىلداعان اسكەري انتتارىنا ادال بولۋلارىن, اسكەري قىزمەتتىڭ قيىندىقتارىنا مويىماي تاباندىلىقپەن توتەپ بەرۋگە شاقىرىپ, بورىشتارىن ويداعىداي وتكەرىپ بولىپ ۇيلەرىنە, اتا-انالارىنا امان-ەسەن ورالۋلارىن تىلەدى جانە ۇلتتىق ۇلان قاتارىندا اسكەري بورىشتى وتەۋ زور ماقتانىش ەكەندىگىن اتاپ ءوتتى.
بۇل انت قابىلداۋ ءراسىمى بۇرىنعىدان ەرەكشە ءوتتى, ويتكەنى الەمدە بەلەڭ العان كوروناۆيرۋس ىندەتىنىڭ قازاقستان اۋماعىنا دا تارالۋىنا بايلانىستى, ءبولىم جەكە قۇرامىنىڭ اراسىندا ىندەتتىڭ تارالۋىن بولدىرماۋ جانە ونىڭ الدىن الۋ ماقساتىندا جاس ساربازداردىڭ اتا-انالارى ۇلدارىنىڭ انت قابىلداۋ ءراسىمىن 28237 اسكەري ءبولىمىنىڭ رەسمي "ينستاگرامم" الەۋمەتتىك پاراقشاسىندا ونلاين رەجيمدە تاماشالادى.
انت قابىلداپ, ۇلتتىق ۇلاننىڭ ناعىز ساربازدارى اتانعان جاس جاۋىنگەرلەر الداعى ۋاقىتتا كەڭەس وداعىنىڭ باتىرى باۋىرجان مومىش ۇلىنىڭ ەسىمىن يەلەنەتىن اسكەري ءبولىم جەكە قۇرامىنىڭ ساپىندارەسپۋبليكا كولەمىندەگى ازاماتتىق قورعانىس سالاسىنداعى توتەنشە جاعدايلاردىڭ سالدارىن جويۋ جانە اپات بولعان جەرلەردە قۇتقارۋ جۇمىستارىن جۇرگىزۋ بويىنشا ءتۇرلى مىندەتتەردىى ورىندايتىن بولادى.
