جيىن بارىسىندا يندۋستريالاندىرۋ كارتاسىنا ەنگەن جوبالاردى جۇزەگە اسىرۋ, سونداي-اق ارنايى ەكونوميكالىق جانە يندۋستريالىق ايماقتاردىڭ دامۋ بارىسى تالقىلاندى.
اعىمداعى جىلى يندۋستريالاندىرۋ كارتاسى شەڭبەرىندە تاۋ-كەن مەتاللۋرگيا كەشەنىندە, قۇرىلىس يندۋسترياسىندا, حيميا ونەركاسىبىندە, ماشينا جاساۋدا, مۇناي-گاز حيمياسى, مۇناي وڭدەۋ, فارماتسەۆتيكا, اگروونەركاسىپتىك كەشەندە, تاماق ونىمدەرىن وندىرۋدە 1,1 ترلن تەڭگەگە 160 جوبانى ىسكە اسىرۋ كوزدەلىپ وتىر. 17 مىڭنان استام تۇراقتى جۇمىس ورنى قۇرىلادى.
كەڭەس بارىسىندا مينيستر سالىنىپ جاتقان نىسانداردى تاپسىرۋ مەرزىمىن باقىلاۋدى تاپسىردى. ايماق وكىلدەرىنە قۇرىلىس-مونتاج جۇمىستارىن جۇرگىزۋ كەستەسىن قايتا قاراۋ جانە كارانتين شارالارى الىنعاننان كەيىن الەۋمەتتىك ماڭىزى بار وبەكتىلەر قۇرىلىسىنىڭ قارقىنىن كۇشەيتۋ قاجەتتىلىگى تۋرالى ءتيىستى ۇسىنىستار بەرىلدى. سونداي-اق, ۇكىمەتتىڭ تاپسىرماسىنا سايكەس وڭىرلەردە جوسپارلانعان كورسەتكىشتەرگە قول جەتكىزۋ ماقساتىندا كاسىپكەرلىكتى قولداۋ كارتالارى بويىنشا قوسىمشا جۇمىستار جۇرگىزۋى ءتيىس.
سونداي-اق, قاراعاندى وبلىسىنىڭ وكىلدەرى توپ-10 مەموراندۋم جوبالارى جايىندا بايانداسا, نۇر-سۇلتان قالاسى مەن پاۆلودار وبلىسى اكىمدىكتەرىنىڭ وكىلدەرى كاسىپكەرلىكتى قولداۋ كارتاسىنا جاڭا جوبالاردى ەنگىزۋ بويىنشا جۇرگىزىلىپ جاتقان جۇمىستار تۋرالى ايتتى.
ارنايى ەكونوميكالىق جانە يندۋستريالىق ايماقتاردىڭ دامۋى تۋرالى قر يدم يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ توراعاسى قانات بايتوۆ باياندادى.
ول ءوز سوزىندە ينۆەستيتسيالاردى تارتۋ جانە اەا جوبالارمەن تولتىرۋ ماقساتىندا تۇراقتى نەگىزدە اەا قىزمەتىنىڭ باسىم تۇرلەرىنىڭ تىزبەسى تولىقتىرىلىپ, اەا اۋماعى كەڭەيتىلىپ تۇراتىندىعىن اتاپ ءوتتى. مىسالى, 2019 جىلدىڭ وزىندە جەڭىل ونەركاسىپ, مەتالل وڭدەۋ, زەرگەرلىك بۇيىمدار ءوندىرىسى, الەۋمەتتىك جانە كولىك ينفراقۇرىلىمى وبەكتىلەرىنىڭ قۇرىلىسى سالالارىندا 22 جاڭا قىزمەتپەن تولىقتىرىلدى.
بيىل "استانا – تەحنوپوليس", "Qyzyljar", "اقتاۋ تەڭىز پورتى" اەا اۋماقتارى كەڭەيتىلدى, سونداي-اق "Turkistan" اەا (اۋەجاي قىزمەتى, "كەرۋەن ساراي" كەشەنى), "اقتاۋ تەڭىز پورتى" ("AktauResortHotel" قوناق ءۇي كەشەنى), "يننوۆاتسيالىق تەحنولوگيالار پاركى" (ينتەرنەت ساۋدا ءۇشىن) قىزمەت تۇرلەرى كەڭەيتىلدى, "پاۆلودار"اەا قاتىسۋشىلارى ءۇشىن نولدىك مولشەرلەمە بويىنشا قوسىمشا قۇن سالىعى سالىناتىن تاۋارلار تىزبەسى كەڭەيتىلدى.
سونداي-اق اەا مەن يا دامىتۋ ءۇشىن ەرەكشە يندۋستريالىق ايماق قۇرۋ, مەملەكەتتىك-جەكە مەنشىك ارىپتەستىك جوبالارىن ىسكە اسىرۋ ماسەلەلەرى بويىنشا زاڭنامالىق اكتىلەرگە تۇزەتۋلەر ەنگىزۋ باعىتىنداعى جۇمىستار جۇرگىزىلۋدە.
ءوز كەزەگىندە مينيستر كوپتەگەن اەا مەن يا بويىنشا ولاردىڭ دامۋىنا بايلانىستى تۇيتكىلدى ماسەلەلەر بار ەكەنىن اتاپ ءوتتى. مىسالى, ينجەنەرلىك ينفراقۇرىلىمدى اياقتاۋ جونىندەگى جۇمىستىڭ باياۋلىعى, ساپالى جوبالارمەن تولىقتىرۋ جانە ءتيىمسىز باسقارۋدى ايتۋعا بولادى. وسى رەتتە بەيبىت اتامقۇلوۆ بۇل باعىتتا جۇمىستى كۇشەيتىپ, ينۆەستورلار ءۇشىن قولايلى جاعداي جاساۋدى تاپسىردى.
سونىمەن قاتار, اەا ودان ءارى دامىتۋ جانە ولاردى جوعارى ساپالى دەڭگەيگە شىعارۋ ماقساتىندا احقو رەجيمىن اەا-نىڭ بارلىق قاتىسۋشىلارىنا تاراتۋ ماسەلەسىن پىسىقتاۋ قاجەت. بۇدان بولەك, يندۋستريالاندىرۋ باعدارلاماسى اياسىندا ەكسپورتقا باعىتتالعان ءوندىرىس جوبالارىنا ەرەكشە نازار اۋدارۋ قاجەت.
انىقتاما: قازاقستاندا قازىرگى ۋاقىتتا 13 اەا جۇمىس ىستەيدى. اەا اۋماعىندا بارلىعى (2002 جىلدان 2019 جىلعا دەيىن) 185 جوبا ىسكە قوسىلدى.
ءونىم ءوندىرىسىنىڭ كولەمى 2,6 ترلن. تەڭگەنى, ءونىم ەكسپورتىنىڭ كولەمى-214,5 ملرد. تەڭگەنى قۇرادى.
21 مىڭنان استام جۇمىس ورنى اشىلدى. بيۋدجەتكە سالىق تۇرىندە 175,8 ملرد. تەڭگە (جتس, الەۋمەتتىك سالىق, اينالىمدىق ققس) قايتارىلدى.
بارلىق اەا ينفراقۇرىلىمىن سالۋعا ارنالعان بيۋدجەتتىك شىعىندار 344,3 ملرد.تەڭگەنى قۇرادى, بۇل رەتتە تارتىلعان ينۆەستيتسيالاردىڭ جالپى كولەمى 3,1 ترلن. تەڭگەدەن استى. ونىڭ ىشىندە وڭدەۋ ونەركاسىبىنە - 1,1 ترلن.تەڭگە, ال ەلوردانىڭ اكىمشىلىك-ىسكەرلىك ورتالىعىنىڭ قۇرىلىسىنا 2 ترلن. تەڭگەدەن استام ينۆەستيتسيا سالىندى.
ياعني, اەا ينفراقۇرىلىمىنا سالىنعان 1 بيۋدجەتتىك تەڭگە وڭدەۋشى ونەركاسىپكە 3,3 تەڭگە جەكە ينۆەستيتسيالاردى تارتۋعا مۇمكىندىك بەردى(شەتەلدىك قاتىسۋ ۇلەسى 45% قۇرادى).
سونداي-اق, قازاقستاندا 22 يندۋستريالىق ايماق قۇرىلدى جانە جۇمىس ىستەيدى. يندۋستريالىق ايماقتاردا جالپى ينۆەستيتسيا كولەمى 233 ملرد.تەڭگەگە جۋىق 149 ءوندىرىس ىسكە قوسىلدى.
7,5 مىڭنان استام جۇمىس ورنى اشىلدى. ينفراقۇرىلىمعا مەملەكەت تاراپىنان 45,8 ملرد. تەڭگە سالىندى. وسىلايشا, سالىنعان 1 بيۋدجەتتىك تەڭگەگە 5 تەڭگە ينۆەستيتسيا تارتىلدى.
يندۋستريالىق ايماقتار اۋماعىندا قازىردىڭ وزىندە تولەنگەن سالىق اۋدارىمدارى 22,6 ملرد تەڭگەنى قۇرايدى.
