مەملەكەت باسشىسى ۇكىمەتكە جانە وبلىس باسشىلارىنا پاندەميانىڭ تارالۋىن تەز ارادا شەكتەۋگە قاتىستى شۇعىل ءارى ءتيىمدى شارالار قابىلداۋعا, كوروناۆيرۋسقا شالدىققان ادامدارعا ناقتى كومەك كورسەتۋگە, ازاماتتاردان تەست سىناماسىن الۋدىڭ اۋقىمىن كەڭەيتۋگە, دارىگەرلەردى ارنايى قورعانىس قۇرالدارىمەن, ءدارى-دارمەكتەرمەن, وكپەگە جاساندى جولمەن دەم بەرەتىن اپپاراتتارمەن جانە وزگە دە قاجەتتى قۇرال-جابدىقتارمەن قامتاسىز ەتۋدى تاپسىردى.
پرەزيدەنتتىڭ پىكىرىنشە, ازاماتتاردىڭ دەنساۋلىعىن قورعاۋ ىسىندە العى شەپتە جۇرگەن مەديتسينا قىزمەتكەرلەرىنە ماتەريالدىق جانە مورالدىك تۇرعىدان قولداۋ كورسەتۋدىڭ ءمانى زور. ۇكىمەت پەن اكىمدەر حالىق اراسىندا كارانتين رەجيمىن ساقتاۋدىڭ اسا ماڭىزدى ەكەنىن ءتۇسىندىرىپ, بۇل باعىتتاعى جۇمىستاردى بەلسەندى جۇرگىزۋگە ءتيىس.
سونىمەن قاتار, قاسىم-جومارت توقاەۆ ورتالىق جانە جەرگىلىكتى اتقارۋشى بيلىك ورگاندارىنا ەكونوميكانىڭ قۇلدىراۋىنا جول بەرمەۋ, ونەركاسىپتىك جانە اۋىل شارۋاشىلىعى ءوندىرىسىن ارتتىرۋ, ازاماتتاردىڭ الەۋمەتتىك قاجەتتىلىكتەرىن تولىق قامتاماسىز ەتۋ بويىنشا ناقتى شارالار قابىلداۋدى تاپسىردى.
