اتاپ ايتقاندا, مۇندا 7 اۆتوموبيل جولىن قايتا جاڭارتۋ جانە جوندەۋ جۇمىستارىن اياقتاۋ جوسپارلانعان. 7 جوبا اياسىندا جوندەلەتىن جولداردىڭ جالپى ۇزىندىعى 217,4 شاقىرىمدى قۇرايدى. جولشىلار "حگمز قيىلىسىنان 23,24, 28 "ا" شاعىن اۋداندارى قيىلىسىنا دەيىنگى جولدى, "اتا جولى", "تۇششىقۇدىق" ەلدى مەكەنىنە كىرۋ جولىن" قايتا جاڭارتۋ, "فورت-شەۆچەنكو-تاۋشىق", "قىزان-اقشىماراۋ" جانە "قىزىلساي-سەنەك" جولدارىن جوندەۋدەن وتكىزىپ جاتىر.
سونىمەن قاتار, بيىل "جىڭعىلدى – شايىر – شەرقالا", "شەتپە – قىزان" جولدارىن, سۋ جيناعىشتان "قۇرىق" پارومدى كەشەنىنە دەيىنگى اۆتوجولدى, "ماەك" سۋ جيناعىشىنان "قۇرىق" تەڭىز پورتىنا دەيىنگى جولدى قايتا جاڭارتۋ جانە ومىرزاق ەلدى مەكەنىنەن جىلى جاعاجايىنا دەيىنگى جولدى سالۋ جۇمىستارى جالعاسۋدا. جوبالاردىڭ جالپى ۇزىندىعى 117,7 شاقىرىمدى قۇرايدى.
سونداي-اق, وبلىستا "جاڭاوزەن-قۇلاندى", "ماڭعىشلاق-كارەر-400" جولدارىن ورتاشا جوندەۋدەن وتكىزۋ جوبالارى ىسكە قوسىلادى دەپ كۇتىلۋدە. جولشىلار سونداي-اق, وڭدى ەلدى مەكەنىندەگى بالالار لاگەرىنە, ەراليەۆ ستانتسياسىنا, شايىر, جارمىش, سىڭعىرلاۋ, قىزىلوزەن, تاۋشىق ەلدى مەكەندەرى مەن جاڭاوزەن قالاسىنا كىرۋ جولدارىن جوندەيتىن بولادى.
اۋىلدىق جەرلەردەگى ءومىر ساپاسىن جاقسارتۋعا باعىتتالعان "اۋىل – ەل بەسىگى" باعدارلاماسى بويىنشا بەينەۋ, اقشۇقىر, قىزىلتوبە, باياندى, باسقۇدىق كەنتتەرىندە جولداردىڭ 46,1 شاقىرىمى سالىنىپ, 47,4 شاقىرىمى جوندەلەتىن بولادى. "جۇمىسپەن قامتۋدىڭ جول كارتاسى 2020" باعدارلاماسى اياسىندا 30 جوبا ىسكە اسىرىلادى دەپ جوسپارلانۋدا. جۇمىسپەن 1382 ادام قامتىلماق.
ەسكە سالايىق, وڭىردەگى وبلىستىق جانە اۋداندىق ماڭىزى بار جولداردىڭ ۇزىندىعى 1928 شاقىرىمدى قۇرايدى. وتكەن جىلى اسفالت جابىندىسى جولداردىڭ 107,7 شاقىرىمىندا توسەلىپ, "قۇرىق – قۇرىق پورتى", "شەتپە – ۇشتاعان", "اقتاۋ – فورت – شەۆچەنكو – قالامقاس كەن ورنى" جانە "وڭدى ەلدى مەكەنىنە كىرۋ جولى" جوبالارى اياقتالعان بولاتىن.
