ەرەيمەنتاۋ قالاسىندا سالىنۋى ءتيىس 45 پاتەرلى تۇرعىن ءۇي بويىنشا جۇرگىزىلگەن كونكۋرستىق شارالار قايتا قارالىپ جاتىر. مەردىگەر كومپانيا انىقتالماي, قۇرىلىس جۇمىستارى قاڭتارىلىپ قالعان. ال, كوكشەتاۋ قالاسى بويىنشا بيىل تاپسىرىلۋى ءتيىس 40 پاتەرلى ەكى بىردەي تۇرعىن ءۇيدىڭ قۇرىلىسى سوت شەشىمىمەن توقتاپ تۇر.
"بيىل 36,7 مىڭ شارشى مەتر بولاتىن نەسيەلىك 12 تۇرعىن ءۇي سالۋ جوسپارلانۋدا. كوكشەتاۋ قالاسى بويىنشا ونى جۇزەگە اسىرۋدا بىرقاتار ماسەلەلەر تۋىنداپ وتىر. ماسەلەن, قازىرگى كۇنى تاپسىرىلۋى ءتيىس 7 ءۇيدىڭ تەك بىرەۋى بويىنشا عانا مەردىگەر كومپانيا انىقتالىپ, جۇمىس باستالدى. قالعان 6 ءۇي بويىنشا ءالى كونكۋرستار ءجۇرىپ جاتىر. ماسەلەنىڭ كۇردەلەنىپ وتىرعان سەبەبى, نەسيەلىك تۇرعىن ءۇيدىڭ قۇنى ءوسىپ كەتتى. ءبىر شارشى مەترى 140 مىڭ تەڭگەدەن اسادى. وسىعان بايلانىستى وبلىستىق بيۋدجەتتەن 703 مىڭ تەڭگە كولەمىندە قوسىمشا قارجىلاندىرۋ قاجەت", – دەيدى وبلىستىق قۇرىلىس باسقارماسىنىڭ باسشىسىءى مارات ءاۋباكىروۆ.
جيىندا ينجەنەرلىك-كوممۋنيكاتسيالىق ينفراقۇرىلىمنىڭ قۇرىلىسى ءسوز بولدى. بيىل بۇل باعىتتا 15 جوبانى جۇزەگە اسىرۋعا رەسپۋبليكالىق بيۋدجەتتەن 1 ميلليارد 887 ميلليون تەڭگە قاراستىرىلعان.
"سىبايلاس جەمقورلىقتىڭ الدىن الۋ ءۇشىن مەملەكەتتىك قىزمەتشىلەرمەن, ءار بولىمدەرمەن جەكە-جەكە جۇمىس جۇرگىزۋدى ۇسىنامىن. سوندا عانا قولعا العان شارالاردىڭ ناتيجەسى بولادى دەپ ەسپەتەيمىن", – دەيدى "Nur وtan" پارتياسى وبلىستىق فيليالى توراعاسىنىڭ ءبىرىنشى ورىنباسارى عالىم بەكماعامبەتوۆ.
جيىندا سونداي-اق, ءوڭىردىڭ يندۋستريالدى-يننوۆاتسيالىق دامۋى مەن اگرارلىق سالادا اتقارىلعان جۇمىستار قارالدى. ماسەلەن, "قاراپايىم زاتتار ەكونوميكاسى" باعدارلاماسى بويىنشا 44 جوبا ماقۇلدانسا, كارانتينگە بايلانىستى بۇگىندە ونىڭ كوپشىلىگى جۇزەگە اسپاعان.
