"كەشە 6 512 ادام تەستىلەۋدەن ءوتۋدى جوسپارلاعان. 144 تالاپكەر ۇبت-عا كەلمەگەن. 2 تالاپكەردە جوعارى تەمپەراتۋرا انىقتالدى, ولار ۇبت-نى باسقا كۇنى تاپسىرادى. ۇبت-عا قاتىسۋشىلاردى تاۋەلسىز ساراپشىلار قاداعالادى. ءار اۋديتوريا بەينەباقىلاۋ كامەرالارىمەن جابدىقتالعان. قاتىسۋشىلار ەرەجەلەردى ۇستانۋ مىندەتتەمەلەرىمەن تانىسىپ, تىيىم سالىنعان زاتتاردىڭ جوقتىعى تۋرالى قۇجاتقا قول قويادى", - دەلىنگەن حابارلامادا.
مينيسترلىكتىڭ حابارلاۋىنشا, تىيىم سالىنعان زاتتاردى قولدانۋعا جاسالعان ارەكەت تەست ناتيجەلەرىن جارامسىز ەتەدى, قاتىسۋشى اۋديتوريادان شىعارىلىپ, وسى جىلى ۇبت-نى قايتا تاپسىرا المايدى.
العاشقى كۇننىڭ قورىتىندىسى بويىنشا: تىيىم سالىنعان زاتتاردى الىپ وتۋگە تىرىسقانى ءۇشىن 73 جانە ەرەجەلەردى بۇزعانى ءۇشىن 87 تالاپكەر, ياعني 160 ادام تەست تاپسىرۋ مۇمكىندىگىنەن ايىرىلعان. ولاردىڭ باسىم كوپشىلىگى تۇركىستان وبلىسى مەن شىمكەنت قالاسىندا تىركەلگەن.
