كەشە مەملەكەت باسشىسى نۇرسۇلتان نازارباەۆ پرەمەر-مينيستر سەرىك احمەتوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەشە مەملەكەت باسشىسى نۇرسۇلتان نازارباەۆ پرەمەر-مينيستر سەرىك احمەتوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋدە س.احمەتوۆ ەلىمىزدىڭ الەۋمەتتىك-ەكونوميكالىق دامۋىنىڭ بيىلعى 9 ايداعى قورىتىندىلارى, سونداي-اق وڭىرلەردەگى جيىن-تەرىن ناۋقانىنىڭ بارىسى تۋرالى باياندادى.
قازاقستان پرەزيدەنتى بۇل ءماسەلە تاياۋ ۋاقىتتا وتەدى دەپ جوسپارلانعان ۇكىمەتتىڭ كەڭەيتىلگەن وتىرىسىندا دا تالقىلاناتىنىن اتاپ ءوتتى.
– مىندەت – جىلدى جاقسى كورسەتكىشتەرمەن اياقتاۋ. بۇل, ءاسىرەسە, الەمدە ورىن الىپ وتىرعان داعدارىستىق قۇبىلىستاردى ەسكەرگەندە وتە ماڭىزدى. قىسقى ماۋسىمعا لايىقتى دايىندىقتى قامتاماسىز ەتىپ, اۋىل شارۋاشىلىعى جىلىن تابىستى اياقتاپ, مەملەكەتتىك باعدارلامالاردىڭ ىسكە اسىرىلۋىن قاراستىرۋ قاجەت, – دەدى نۇرسۇلتان نازارباەۆ.
س.احمەتوۆ 9 اي ىشىندە 5,7 پايىزدى قۇراعان ىشكى جالپى ءونىمنىڭ ءوسىمى تۋرالى حاباردار ەتتى.
– ينفلياتسيا بيىلعى جىلى بولجامدى كۇيىندە تۇر. ىشكى جالپى ءونىمنىڭ ءوسىمى 2013 جىلدىڭ قورىتىندىسى بويىنشا 6 پايىز دەڭگەيىندە بولادى دەپ كۇتىلۋدە. استىق جيناۋ ناۋقانىنىڭ اياقتالۋىنا قاتىستى ايتساق, جاۋىن-شاشىنعا بايلانىستى اقمولا وبلىسىندا عانا جيىن-تەرىن جۇمىسى ازداپ توقتاپ قالدى. جالپى, بۇگىندە بۋنكەرلىك سالماعى 18,5 ميلليون توننا استىق جيناپ الىندى. اپتانىڭ سوڭىنا دەيىن وڭىرلەر جيىن-تەرىندى اياقتايدى. ناتيجەسىندە بيىل بۋنكەرلىك سالماعى 20 ميلليون توننا شاماسىندا استىق جينالىپ الىناتىن بولادى, – دەپ مالىمدەدى پرەمەر-مينيستر.
كەزدەسۋ قورىتىندىسىندا مەملەكەت باسشىسى قارالعان ماسەلەلەر بويىنشا بىرقاتار تاپسىرما بەردى.
