قوعام • 20 ماۋسىم، 2020

نۇر-سۇلتاندا كوروناۆيرۋس تەستىن وڭدەيتىن زەرتحانالار قۋاتى ارتادى

13 رەت كورسەتىلدى

دۇيسەنبىدە، 22 ماۋسىم كۇنى قالادا قوسىمشا ەكى ءجۇز توسەك-ورىن قويىلادى جانە باسقا دا مەكەمەلەر ستاتسيونارعا قايتا بەيىمدەلەدى، - دەپ حابارلايدى ەلوردا اكىمدىگىنىڭ رەسمي سايتى.

بۇگىن نۇر-سۇلتان قالاسىنىڭ اكىمى التاي كولگىنوۆ قالالىق جانە جەكە مەنشىك ەمحانالار مەن اۋرۋحانالاردىڭ باس دارىگەرلەرىمەن، سونداي-اق زەرتحانالار مەن ءدارىحانالاردىڭ باسشىلارىمەن ونلاين-كونفەرەنتسيا وتكىزدى. ونىڭ ايتۋىنشا، قازىرگى تاڭدا ەڭ باستىسى – قوسىمشا توسەك-ورىن سانىن ۋاقىتىلى قويىپ، مەديتسينالىق ءدارى-دارمەكتەر مەن قۇرال-جابدىقتار قورىن تولىقتىرۋ.

"زەرتحانالار كەلەسى اپتادان باستاپ، قۋاتتىلىعىن ارتتىرادى. ماسەلەن، "Invivo" زەرتحاناسى تەست كولەمىن تاۋلىگىنە ءبىر مىڭنان ەكى مىڭعا دەيىن كوبەيتەدى. "وليمپ" ادام سانىنىڭ كوپتىگىنەن جانە جۇيەنى وڭدەۋ ءۇشىن جۇمىسىن سەيسەنبىدە باستايدى، ولار دا جۇمىس الەۋەتىن ارتتىرادى. بۇل باسقا زەرتحانالارعا قاتىستى. تەستىلەۋ رەجيمىندە ءموبيلدى زەرتحانالاردىڭ جۇمىسىن ىسكە قوسامىز. بۇل – تاۋلىگىنە تاعى 1 مىڭ تەست. پتر-تەستتەردى قابىلداۋ جانە ناتيجەلەردى وڭدەۋ ءۇشىن ءبىر توپ مەديتسينالىق قىزمەتكەرلەر ۇيرەتىلدى. وسى باعىتتاعى جۇمىستى جالعاستىرامىز"، – دەپ جازدى ا. كولگىنوۆ ءوز ينستاگرام پاراقشاسىندا.

سونداي-اق ونىڭ ايتۋىنشا، دۇيسەنبى كۇنى قوسىمشا 200 توسەك-ورىن قويىلادى، باسقا دا مەكەمەلەر ستاتسيونارعا قايتا بەيىمدەلەدى.

"تراۆماتولوگيا جانە ورتوپەديا عزي، ۇلتتىق عىلىمي مەديتسينالىق ورتالىق، Green Clinic سياقتى رەسپۋبليكالىق كلينيكالارمەن كت وتكىزۋ مۇمكىندىگىن بەكىتۋ تۋرالى كەلىسىمگە قول قويدىق. بۇل پنەۆمونيانى ەرتە كەزەڭدە انىقتاۋعا مۇمكىندىك بەرەدى. سونىمەن قاتار قوسىمشا كومپيۋتەرلىك توموگرافيا مەن وكپەنى جاساندى جەلدەتۋ اپپاراتتارىن ساتىپ الامىز"، – دەدى اكىم. ونىڭ ايتۋىنشا، ەگەر بۇرىن جەدەل جاردەمگە مىڭنان استام ءوتىنىش كەلىپ تۇسسە، قازىر 4 مىڭعا دەيىن جەتكەن.

"بۇل جەدەل جاردەم مەن مەديتسينا قىزمەتكەرلەرىنىڭ زور جۇكتەمەسى. جەدەل جاردەم ستانتسياسى بازاسىندا اشىلعان كولل-ورتالىق جۇكتەمەنى ازايتۋعا مۇمكىندىك بەرەدى. مۇنداي كولل-ورتالىقتار بارلىق ەمحانالاردا بولادى، وسى باعىتتاعى جۇمىس كۇشەيتىلەدى. تەلەمەديتسينانى پايدالانۋ تاجىريبەسى جالعاسىپ جاتىر. كوروناۆيرۋستىڭ سيمپتومسىز تاسىمالداۋشىلارىن ەمدەۋ ءۇشىن مەديتسينا قىزمەتكەرلەرى بەينەقوڭىراۋ جانە باسقا بايلانىس ارنالارى ارقىلى دەنساۋلىقتى قاداعالايدى جانە ينفەكتسيانىڭ سيمپتومسىز تاسىمالداۋشىلارىنا بارلىق ماسەلەلەر بويىنشا كەڭەس بەرەدى. پاتسيەنتتەردە سيمپتومدار پايدا بولعان جاعدايدا اۋرۋحاناعا جاتقىزادى"، – دەپ اتاپ ءوتتى ا.كولگىنوۆ.

بۇل رەتتە ول دارىحانالارعا قاجەتتى ءدارى-دارمەكتەر ۋاقتىلى اكەلىنۋى ءتيىس ەكەنىنە نازار اۋداردى.

ء"وز تاراپىمىزدان بارلىق قولداۋ كورسەتۋگە دايىنبىز. بارلىعىمەن جەكە جۇمىس جاساۋعا ءازىرمىز"، – دەپ تۇيىندەدى قالا اكىمى.

ەستەرىڭىزگە سالا كەتەيىك، 20-21 ماۋسىمدا ادام ومىرىنە اسا قاجەت ءدارىحانالار مەن ازىق- ت ۇلىك دۇكەندەرى سەكىلدى وبەكتىلەردەن (جۇمىس كەستەسى ساعات 10-نان 17-گە دەيىن) باسقا، بارلىق كاسىپورىنداردىڭ جۇمىسى جانە قوعامدىق كولىك قوزعالىسى توقتاتىلدى. سونداي-اق بارلىق قوعامدىق ورىندار: ساياباقتار، باقتار، جاعالاۋلار، جاعاجايلار جانە باسقا دا ادامدار كوپ جينالاتىن ورىندار جابىلادى.

نۇر-سۇلتاندا اۋقىمدى دەزينفەكتسيا ءجۇرىپ جاتىر. ادامدار كوپ جينالاتىن ورىنداردا دەزينفەكتسيالاۋ جاياۋ دا، ارنايى ماشينالارمەن بۇركۋ ارقىلى دا جۇرگىزىلەدى.


سوڭعى جاڭالىقتار

ۇقساس جاڭالىقتار