الماتىلىق اۋرۋحانالاردان رەپورتاجدار, دارىگەرلەر مەن ولاردىڭ وتباسىلارىمەن كەزدەسۋلەر, ەل مەن قالانىڭ دەنساۋلىق ساقتاۋ سالاسىندا اتى اڭىزعا اينالعان قايراتكەرلەردىڭ اڭگىمەلەرى, پاندەمياعا قاتىستى كەڭەستەر مەن ۇسىنىستار, سونىمەن قاتار, اق حالاتتىلاردىڭ ءسۇيىپ تىعدايتىن اندەرى شىرقالىپ, دەرەكتى جانە كوركەم فيلمدەر كورسەتىلەتىن بولادى.
نۇرجان مۇحامەدجانوۆا, اlmaty TV باس ديرەكتورى
"تەلەارنا ەفيرىندە دارىگەرلەر كۇنى ەرەكشە تۇردە اتاپ ءوتۋدى جوسپارلاپ وتىرمىز. الەمدە اق حالاتتى ابزال جانداردىڭ جانقيارلىق ەڭبەگىنە باس ءيىپ, قوشەمەت كورسەتۋ وسى ءبىر پاندەميا كەزىندە ايقىن كورىنۋدە ەكەندىگى ءسوزسىز. ىندەتپەن كۇرەس بىزگە ناعىز باتىرلار مەن جۇلدىزداردى كورسەتتى. كارانتين باستالعالى بەرى تەلەارنا ۇجىمى ۇنەمى مەديتسينالىق قىزمەتكەرلەردىڭ COVID-19-بەن كۇرەستەگى كاسىبي قىزمەتتەرىن كورەرمەندەر ءۇشىن تۇسىنىكتى ءارى شىنايى دەڭگەيدە كورسەتۋدى ماقسات ەتتى. ءبىز ولاردىڭ باتىل ەڭبەگىنىڭ كۋاسى بولدىق. "شىن جۇرەكتەن" اكتسياسى – بۇل بارلىق الماتىلىقتاردىڭ جانە قازاقستاندىقتاردىڭ اتىنان دارىگەرلەرگە العىس ءبىلدىرۋ".
اlmaty TV تەلەارناسىنىڭ بارلىق كورەرمەندەرىن مەديتسينا قىزمەتكەرلەرىنە ريزاشىلىعىمىزدى ءبىلدىرىپ, العىس ايتۋعا شاقىرامىز. بارلىق مەرەكەلىك ەفيردىڭ باستى كەيىپكەرى دارىگەرلەر بولادى. 20 ماۋسىمنىڭ تاڭىنان باستاپ, 21 ماۋسىم ساعات 22:00 دەيىن قىزىقتى باعدارلامالار, كونتسەرتتەر, دەرەكتى فيلمدەر مەن روليكتەر بولادى.
"چەستنو س پونومارەۆىم" باعدارلاماسىندا "قازاق ونكولوگيا مەن راديولوگيا عىلىمي-زەرتتەۋ ينستيتۋتىنىڭ" ديرەكتورى ديليارا قايداروۆامەن 20 ماۋسىم كۇنى ساعات 10:20 ونكولوگيا تاقىرىبىندا اڭگىمە قوزعايمىز. اتالمىش باعدارلامانىڭ جەكسەنبى كۇنگى كەزەكتى قوناعى – ميكروبيولوگ باقىت رامازانوۆا كاسىبي جايىندا باياندايدى. 21 ماۋسىمدا اقبەرەن ەلگەزەك ءوزىنىڭ "شىنايى اقبەرەنمەن" باعدارلاماسىندا ۆيرۋسولوگ ايدىن قىدىرباەۆپەن ەلىمىزدە ورىن الىپ جاتقان پاندەميا جايىندا سۇحباتتاسادى.
جەكسەنبى كۇنى ساعات 18:30 "شەشىمى بار" توك-شوۋىندا كوروناۆيرۋسپەن كۇرەسكە قاتىسىپ, قيىن ساتتە كومەك قولىن سوزعاندارعا قۇرمەت كورسەتىلەدى. نوەل شاياحمەتوۆ "ناش ميلىي دوكتور" ءفيلمىنىڭ ءتۇسىرىلىمى مەن اكتەر يۋري پومەرانتسەۆ, ءانشى بيبىگۇل تولەگەنوۆا جايىندا اڭگىمە وربىتەدى (سەنبى 20 ماۋسىم. 11:35). سونىمەن قاتار, "الماتينسكيە يستوري" ارنايى شىعارىلىمىندا اتى اڭىزعا اينالعان پروفەسسور ساليما بالماحانوۆانى كورە الاسىزدار (جەكسەنبى 21 ماۋسىم, 11:00). 20 ماۋسىمدا ساعات 14:00 الماتىلىق دارىگەرلەردىڭ ەڭ سۇيىكتى اندەرى ء"بارى بىلەدى" باعدارلاماسىندا شىرقالادى. جاڭالىقتاردىڭ ارنايى شىعارىلىمى سەنبى كۇنى 19:30 بولسا, قايتالۋى جەكسەنبىنىڭ تاڭىندا بولادى. كوتەرىڭكى كوڭىل كۇي ءۇشىن 20 ماۋسىم كۇنى 17:00, جەكسەنبى كۇنى ساعات 13:40 پەن 22:00 مەرەكەلىك كونتسەرتتەردى تاماشالايسىزدار.
الماتى قالاسىنىڭ فتيزيوپۋلمونولوگيا ورتالىعىندا, ي.جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسىندا, الماتى قالالىق بالالار جۇقپالى اۋرۋلار اۋرۋحاناسىندا تۇسىرىلگەن "قاۋىپتى" ايماقتىڭ بىرەگەي كادرلارى, ءبىرىنشى كۇننەن باستاپ كوروناۆيرۋسپەن كۇرەسىپ جاتقان دارىگەرلەر, ءۇش اي بويى ءوز وتباسىلارىنان وقشاۋلانعان دارىگەرلەردىڭ اڭگىمەلەرى "اlmaty TV" "الماتى دارىگەرلەرى كوروناۆيرۋسپەن بەتپە بەت" (21 ماۋسىم ساعات 6:00) جانە "COVID-19. بوي س تەنيۋ" ارنايى جوبالارىندا (جەكسەنبى 21 ماۋسىم 15:40).
اتاۋلى كۇنگە وراي, "اlmaty TV" تەلەارناسىندا "19.03-19.06" دەرەكتى ءفيلمىنىڭ تۇساۋكەسەرى وتەدى. ءفيلمنىڭ ءتۇسىرىلىمى كارانتين باستالعان كۇننەن باستاپ, 19 ماۋسىمعا دەيىن جۇرگىزىلدى.
وعان قوسا, "دارىگەرلەرگە مىڭ العىس!" اكتسياسىنا جانە العىس سوزدەرگە شوۋ-بيزنەس وكىلدەرى, قوعام قايراتكەرلەرى مەن قازاقستاندىقتار دا قوسىلادى. تەلەارنانىڭ ارنايى جوباسى اياسىندا كورەرمەندەردىڭ وزدەرىن ەمدەگەن دارىگەرلەرىنە ايتقان العىستارىنان جيناقتالعان ۆيدەوروليك ءبىر ايعا جۋىق ۋاقىتتان بەرى ەفيردە كورسەتىلىپ كەلەدى. جاعىمدى ەموتسيالار, ادەمى اندەر, سۇيىكتى ارتىستەر, قىزىقتى سيۋجەتتەر مەن تىلەكتەر بارلىق قازاقستاندىقتاردىڭ سۇيىكتى "ناش ميلىي دوكتور" فيلمءى,دارىگەرلەر تۋرالى "سەردتسەبيەنيە" ۇزدىك تەلەحيكاياسى مەن كونتسەرتتەر توپتاماسى دا كورەرمەندەردىڭ نازارىنا ۇسىنىلادى.
