اكىمدىكتەر مەن حالىقتى جۇمىسپەن قامتۋ ورتالىقتارىنا جۇگىنەتىن ازاماتتار ءۇشىن الفاۆيتتىك تارتىپپەن ءوتىنىش بەرۋ گرافيگى كوزدەلەدى. حالىقتىڭ جاپپاي شوعىرلانۋىن بولدىرماۋ ءۇشىن ەڭبەكمينى مەملەكەتتىك ينستانتسيالارعا ءتيىستى ۇسىنىس بەردى.
سونداي-اق III توقساندا ااك تاعايىنداۋ مەرزىمى ۇزارتىلمايدى. ايتا كەتەيىك, I توقسانداعى اتاۋلى الەۋمەتتىك كومەك الۋشىلارعا سول كەزدە توتەنشە جاعداي رەجيمىنىڭ ارەكەت ەتۋىنە بايلانىستى تولەمدەر تاعايىنداۋ مەرزىمى ۇزارتىلعان بولاتىن.
ەلىمىزدىڭ بارلىق وڭىرىندە ااك كورسەتۋدىڭ جاڭا تەتىگىن ىسكە اسىرۋ شەڭبەرىندە تابىسى از وتباسىلاردىڭ مەكتەپ جاسىنا دەيىنگى بالالارىن كەپىلدىك بەرىلگەن الەۋمەتتىك توپتامامەن (بۇدان ءارى – الەۋمەتتىك توپتاما) قامتاماسىز ەتۋ بويىنشا جۇمىستار جۇرگىزىلۋدە.
اعىمداعى جىلدىڭ 5 ايىندا الۋشىلاردىڭ جالپى سانى 122,3 مىڭ وتباسىن نەمەسە 629,9 مىڭ ادامدى قۇرادى.
1 جاستان 6 جاسقا دەيىنگى بالالارعا ارنالعان الەۋمەتتىك توپتاما ازىق-ت ۇلىك جيىنتىعىن جانە تۇرمىستىق حيميا تاۋارلارىنىڭ جيىنتىعىن قامتيدى. 6 جاستان 18 جاسقا دەيىنگى بالالار ءۇشىن مەكتەپتەردە ىستىق تاماق, وقۋ قۇرالدارى مەن مەكتەپ كيىمدەرىن بەرۋ كوزدەلەدى. سونداي-اق, وسى ساناتتاعى بالالار ءۇشىن مەكتەپكە دەيىن جول ءجۇرۋ اقىسى وتەلەتىن بولادى.
ازىق-ت ۇلىك جيىنتىعى بالالاردىڭ جاس ساناتىنا بايلانىستى قۇرامى بويىنشا ەرەكشەلەنەدى: 1-دەن 3 جاسقا دەيىن جانە 3-تەن 6 جاسقا دەيىن, بىراق وڭىرگە قاراماستان الەۋمەتتىك توپتامانىڭ قۇرامى بىردەي بولادى. جيناقتاردىڭ قۇرامى فيزيولوگيالىق ەرەكشەلىكتەردى, ازىق-ت ۇلىكتىڭ تاعامدىق جانە ەنەرگەتيكالىق قۇندىلىعىنىڭ اراقاتىناسىن جانە جاسىنا سايكەس ولاردى پايدالانۋ نورمالارىن ەسكەرە وتىرىپ, دەنساۋلىق ساقتاۋ مينيسترلىگىنىڭ ۇسىنىمدارى نەگىزىندە قالىپتاستىرىلدى. ونىمدەر دارۋمەندەلگەن, بۇل ءوسىپ كەلە جاتقان ورگانيزمدەگى دارۋمەندەردىڭ جەتىسپەۋشىلىگىن تولىقتىرۋعا مۇمكىندىك بەرەدى.
