ايماقتار • 19 ماۋسىم، 2020

كوكشەتاۋداعى تەندەر تاۋقىمەتى

18 رەت كورسەتىلدى

جول-پايدالانۋ ۋچاسكەسىنىڭ ۇجىمى دابىل قاعۋدا. مەكەمە باسشىلارى جۇزگە تارتا قىزمەتكەردى جۇمىستان شىعارۋعا ءماجبۇر ەكەنىن مالىمدەپ وتىر. كاسىپورىن 40 جىل بويى وبلىس ورتالىعىنداعى كوشە تازالىعىن قامتاماسىز ەتىپ كەلدى. بيىلعى تەندەردى ەلوردالىق كومپانيا جەڭىپ الدى، دەپ جازادى Egemen.kz

وبلىس ورتالىعىندا كوشە تازالىعىن قامتاماسىز ەتۋگە 4 كومپانيا قىزىعۋشىلىق بىلدىرگەن. تەندەردى نۇر-سۇلتان قالاسىنداعى "زەرەن-2000" كومپانياسى ۇتىپ العان. وسىلايشا، 12 ماۋسىمنان باستاپ ونداعان جىلدار بويى كوكشەتاۋ جول-پايدالانۋ ۋچاسكەسى اتقارعان مىندەت وزگە كاسىپورىننىڭ قۇزىرىنا ءوتتى. كاسىپورىن باسشىلارى ۇجىمنىڭ 70 پروتسەنتىن جۇمىستان شىعارۋعا تۋرا كەلەدى دەپ وتىر.

"بىزدە 50 كوشە سىپىرۋشى، 40-قا تارتا تەحنيكا جۇمىس ىستەۋشى ەدى. ادامداردى 15 كۇننەن كەيىن جۇمىستان شىعارامىز دەپ ەسكەرتتىك. ۇجىمنىڭ 70 پروتسەنتى قىسقارتىلاد"، دەيدى "كوكشەتاۋ جول-پايدالانۋ ۋچاسكەسى" سەرىكتەستىگىنىڭ اتقارۋشى ديرەكتورى ابۋساعيت ۇسەمباەۆ.

كوكشەتاۋ جول-پايدالانۋ ۋچاسكەسىنىڭ ءوز تەحنيكالارىن جوندەيتىن  ورنى، دانەكەرلەۋ، موتور جوندەۋ تسەحتارى، ۇستاحاناسى بار. بارلىعى تالاپقا ساي. مەكەمە باسشىلىعى تەندەردى ۇتىپ الامىز دەگەن ۇمىتپەن كوشە اباتتاندىرۋعا قاجەتتى اك، سىلاق، باسقا دا قۇرالداردى، ماسكالار مەن انتيسەپتيكتەردى الدىن-الا ساتىپ الىپ قويىپتى. ۇجىم مۇنىڭ ءبارى ەندى كادەگە اسپاي قالادى دەپ قىنجىلادى.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار