ورتالىقتى وبلىس اكىمى ماحامبەت دوسمۇحامبەتوۆ پەن اتىراۋ وبلىسى بيلەر كەڭەسىنىڭ توراعاسى حابباس حيسمەتۋللين سالتاناتتى تۇردە اشتى.
جوبا قازاقستان رەسپۋبليكاسى جوعارعى سوتىنىڭ الەۋمەتتىك وسال توپتارعا, سونداي-اق جەكە جانە زاڭدى تۇلعالارعا زاڭدىق كەڭەس, قۇقىقتىق جانە مەدياتيۆتىك كومەك كورسەتۋدى كوزدەيتىن «تاتۋلاسۋ: سوتقا دەيىن, سوتتا» باعدارلاماسى اياسىندا جۇزەگە اسىرىلعان.
اتىراۋ وبلىسىنىڭ اكىمى م.دوسمۇحامبەتوۆ سالتاناتتى ءىس-شارادا ورتالىقتىڭ اشىلۋى ءوڭىر تۇرعىندارى ءۇشىن ايتۋلى وقيعا ەكەنىن اتاپ, داۋلاردى سوتتان تىس رەتتەۋ ينستيتۋتىن دامىتۋ تۋرالى ەلباسى جولداۋىنداعى مىندەتتەر مەن پرەزيدەنت تاپسىرمالارىن ەسكە سالدى.
«ورتالىقتىڭ جۇمىسىنا ۇلكەن جەتىستىك تىلەيمىن, بۇل جەر كەلۋشىلەرگە داۋدى تەز جانە بەيبىت جولمەن شەشىپ, ازاماتتاردىڭ تۋىنداعان ماسەلەلەردى شەشۋدە مادەنيەتىن كوتەرىپ, مورالدىق جانە ماتەريالدىق شىعىنداردى ازايتىپ, قوعامداعى داۋلاسۋشىلىق دەڭگەيىن تومەندەتۋگە مۇمكىندىك بەرەدى دەپ ويلايمىن», - دەدى اكىم.
وبلىستىق سوت توراعاسى ب.جۇماعۇلوۆ ءوز سوزىندە ءىس-شارانىڭ سيمۆولدىق ءمانى بار ەكەنىن ايتا كەلە «جاقىندا مەملەكەت باسشىسى اپك-كە وزگەرىستەر مەن تولىقتىرۋلار ەنگىزۋ تۋرالى زاڭعا قول قويدى, ال ونىڭ نەگىزگى جاڭاشىلدىقتاردىڭ ءبىرى مەدياتسيا ينستيتۋتى مەحانيزمدەرىن كەڭەيتۋ. اتالعان زاڭ جاقىن ارادا قولدانىسقا ەنگىزىلەدى. سوندىقتان ءبىز بۇگىن اتقارىپ جاتقان ىستەر زاڭناما تۇجىرىمداماسىن تابىستى ىسكە اسىرۋعا سەپتىگىن تيگىزەدى», - دەپ سەنىم ءبىلدىردى ب.جۇماعۇلوۆ.
سونىمەن قاتار توراعا ازاماتتارعا ءوزارا بايلانىستى قىزمەتتەر كورسەتەتىن ورتالىق جۇمىسىن تانىستىردى. وندا كەڭەس بەرۋدەن باستاپ, داۋدىڭ ساناتىن انىقتاۋ, تاتۋلاستىرۋ راسىمدەرىن جۇرگىزۋ, كەلىسىم جاساقتاۋعا دەيىنگى قىزمەتتەر قاراستىرىلعان.
ورتالىقتا مەدياتورلار, بيلەر, ادۆوكاتتار, پروكۋرورلار, پسيحولوگتار, نوتاريۋستار مەن بەزنەس ومبۋدسمەن وكىلدەرى ازاماتتارعا قىزمەت كورسەتەدى.
ورتالىق قاجەتتى تەحنيكالىق قۇرالدارمەن جابدىقتالعان. ازاماتتارعا قاجەتتى بارلىق جاعداي جاسالعان. مۇندا كەلۋشىلەر تيىسىنشە زاڭدى كومەك الىپ, مەدياتيۆتىك راسىمدەردىڭ ەرەكشەلىكتەرى مەن ارتىقشىلىقتارى تۋرالى بىلە الادى, جانجالدى شەشۋ جانە كەلىسۋ بويىنشا كەلىسسوزدەر جۇرگىزەدى.
