كەشە ەكونوميكالىق قىلمىسقا جانە سىبايلاس جەمقورلىققا قارسى كۇرەس (قارجى پوليتسياسى) اگەنتتىگىندە پارلامەنت ءماجىلىسىنىڭ زاڭ شىعارۋ جانە سوت-قۇقىقتىق رەفورماسى كوميتەتىنىڭ «قارجىلىق (ينۆەستيتسيالىق) پيراميدالاردىڭ قىزمەتىنە قارسى ءىس-قيمىل ماسەلەلەرى جونىندەگى قازاقستان رەسپۋبليكاسىنىڭ كەيبىر زاڭ اكتىلەرىنە وزگەرىستەر مەن قوسىمشالار ەنگىزۋ تۋرالى» زاڭ جوباسىن (بۇدان ءارى – زاڭ جوبا) تالقىلاۋ بويىنشا وتىرىس ءوتتى. وعان قارجى پوليتسياسى اگەنتتىگىنىڭ توراعاسى ر.تۇسىپبەكوۆ, ونىڭ ورىنباسارلارى, اگەنتتىك بولىمشەلەرىنىڭ باسشىلارى, پارلامەنت ماجىلىسىندەگى زاڭناما جانە سوت-قۇقىقتىق رەفورماسى كوميتەتىنىڭ توراعاسى ر.مۇقاشەۆ, جۇمىس كوميسسياسىنىڭ مۇشەلەرى – پارلامەنت ءماجىلىسىنىڭ دەپۋتاتتارى قاتىستى. زاڭ جوباسى بويىنشا زاڭناما جانە سوت-قۇقىقتىق رەفورماسى كوميتەتىنىڭ توراعاسى ر.مۇقاشەۆ, جۇمىس توبىنىڭ جەتەكشىسى – دەپۋتات ا.قوجاحمەتوۆ جانە اگەنتتىكتىڭ ەكونوميكالىق جانە قارجىلىق قىلمىستاردى اشۋ دەپارتامەنتىنىڭ باستىعى ج.ەلامانوۆ ايتىپ بەردى.
كەشە ەكونوميكالىق قىلمىسقا جانە سىبايلاس جەمقورلىققا قارسى كۇرەس (قارجى پوليتسياسى) اگەنتتىگىندە پارلامەنت ءماجىلىسىنىڭ زاڭ شىعارۋ جانە سوت-قۇقىقتىق رەفورماسى كوميتەتىنىڭ «قارجىلىق (ينۆەستيتسيالىق) پيراميدالاردىڭ قىزمەتىنە قارسى ءىس-قيمىل ماسەلەلەرى جونىندەگى قازاقستان رەسپۋبليكاسىنىڭ كەيبىر زاڭ اكتىلەرىنە وزگەرىستەر مەن قوسىمشالار ەنگىزۋ تۋرالى» زاڭ جوباسىن (بۇدان ءارى – زاڭ جوبا) تالقىلاۋ بويىنشا وتىرىس ءوتتى. وعان قارجى پوليتسياسى اگەنتتىگىنىڭ توراعاسى ر.تۇسىپبەكوۆ, ونىڭ ورىنباسارلارى, اگەنتتىك بولىمشەلەرىنىڭ باسشىلارى, پارلامەنت ماجىلىسىندەگى زاڭناما جانە سوت-قۇقىقتىق رەفورماسى كوميتەتىنىڭ توراعاسى ر.مۇقاشەۆ, جۇمىس كوميسسياسىنىڭ مۇشەلەرى – پارلامەنت ءماجىلىسىنىڭ دەپۋتاتتارى قاتىستى. زاڭ جوباسى بويىنشا زاڭناما جانە سوت-قۇقىقتىق رەفورماسى كوميتەتىنىڭ توراعاسى ر.مۇقاشەۆ, جۇمىس توبىنىڭ جەتەكشىسى – دەپۋتات ا.قوجاحمەتوۆ جانە اگەنتتىكتىڭ ەكونوميكالىق جانە قارجىلىق قىلمىستاردى اشۋ دەپارتامەنتىنىڭ باستىعى ج.ەلامانوۆ ايتىپ بەردى.
قارجى پيراميداسى ينۆەستيتسيالاردى تارتۋدىڭ نىسانى بولىپ تابىلادى, وعان اقشالاي قاراجاتتار ءتيىمدى ءىس-ارەكەت نەمەسە تاۋارلىق اينالىم ارقىلى ەمەس, جاڭا سالىمشىلاردىڭ قاراجاتىن الۋ ارقىلى جينالادى. سونىمەن بىرگە, بولاشاق سالىمشىلاردىڭ اقشاسىن ولاردان كەيىن كەلگەن سالىمشىلار قارجىسى ەسەبىنەن تولەۋدى ۋادە ەتەدى. وسىلاي پيراميدا سحەماسىندا پيراميدانىڭ «استىنداعى» ادامداردىڭ كوبىسى ۇستىندەگى سانى از تۇلعالارعا اقشاسىن تولەيدى. قورىتىندىسىندا مۇنىڭ بارلىعى ەلدىڭ ەكونوميكاسىندا ماڭىزدى ءرول اتقاراتىن ينۆەستيتسيالاردىڭ كولەمىن تومەندەتۋگە, مەملەكەتتىك ورگانداردى ەشقانداي شارا قابىلداماۋىنا بايلانىستى ايىپتاۋعا جانە زالالدى بيۋدجەت قاراجاتىنان قايتارۋ ۇردىسىنە اكەپ سوعادى. سوندىقتان قارجىلىق پيراميدالاردىڭ جۇمىس ىستەۋىن اشكەرەلەۋ مەن وعان جول بەرمەۋ بويىنشا شارالار كەشەنىن قابىلداۋ جانە زاڭ جۇزىندە ەل اۋماعىندا ولاردىڭ جۇمىسىنا تىيىم سالۋ ۇسىنىلىپ وتىر.
بۇدان باسقا, اگەنتتىكتىڭ احۋالدىق ورتالىعىنىڭ تۇساۋكەسەرى ءوتتى. بۇل قولدا بار اقپارات كوزدەرىنىڭ نەگىزىندە قاۋىپتى وقيعالاردى انىقتاۋعا, قىلمىستاردى جاساۋ جولدارىن جانە تۋىستىق, الەۋمەتتىك, ت.ب. بەلگىلەر بويىنشا سۋبەكتىلەردىڭ اراسىنداعى ايقىن جانە جاسىرىن بايلانىستاردى انىقتاۋعا مۇمكىندىك بەرەتىن اۆتوماتتاندىرىلعان تالداۋ كەشەنى بولىپ تابىلادى.
احۋالدىق ورتالىقتىڭ جانە قارجى پوليتسياسى تالداۋ بولىمدەرى قىزمەتكەرلەرىنىڭ جاساعان جۇمىسىنىڭ ارقاسىندا 3 ملرد.تەڭگەدەن استام بيۋدجەت قاراجاتىن ءتيىمسىز پايدالانۋدىڭ الدى الىندى.
«ەگەمەن-اقپارات».
