وبلىستىق ىشكى ساياسات باسقارماسى جاستارمەن جۇمىس ءبولىمىنىڭ باسشىسى ەركەبۇلان بالتابەكوۆتىڭ ايتۋىنشا, ءوڭىردىڭ ۆولونتەرلەرى «Biz birgemiz» اكتسياسىنا بەلسەندى قاتىسقان. «ايماق ۆولونتەرلەرىنىڭ باستاماسىمەن وبلىس تۇرعىندارى اراسىندا كوروناۆيرۋستىڭ الدىن الۋ تۋرالى ۇسىنىستارى بار جادىنامالار مەن گازەتتەردىڭ ارنايى شىعارىلىمدارىن, كوپ رەتتىك بەتپەردەلەردى تىگۋ جانە ولاردى حالىققا تاراتۋ بويىنشا اكتسيالار ۇيىمداستىرىلدى. ۆولونتەرلەر قۇقىق قورعاۋ ورگاندارىمەن بىرلەسىپ حالىققا ءتۇسىندىرۋ جۇمىستارىنا دا قاتىستى. وسكەمەن, سەمەي قالالارىنىڭ 93 ۆولونتەرى ازىق-ت ۇلىك پەن ءبىرىنشى قاجەتتىلىكتەگى تاۋارلاردى, 70 جاستان اسقان ادامدارعا جانە I, II ساناتتاعى مۇگەدەكتەرگە ءدارى-دارمەكتەردى جەتكىزۋ جۇمىستارىنا تارتىلعان», دەيدى ول.
اكتسيا شەڭبەرىندە 17 مىڭعا جۋىق مەديتسينالىق بەتپەردە, كوپ بالالى, از قامتىلعان وتباسىلارعا, جالعىز تۇراتىن قارتتارعا 800-دەن استام ازىق-ت ۇلىك سەبەتى جانە 845 مىڭنان استام ارنايى شىعارىلعان گازەتتەر تاراتىلىپتى. وبلىس ۆولونتەرلەرى, سونىمەن قاتار «جىلۋ سىيلا», «مەيىرىمدى كورشىلەر» اكتسيالارىن دا وتكىزىپتى. اتالعان ءىس-شارالار اياسىندا ۆولونتەرلەر پوليتسيا جانە اسكەري قىزمەتشىلەرگە, دارىگەرلەرگە ىستىق شاي, باۋىرساق, ءسۇت ونىمدەرىن تاراتىپ, قاريالارعا اۋلالاردى جيناۋعا, ازىق-ت ۇلىك پەن ءدارى-دارمەك الۋعا كومەكتەسىپتى. الەۋمەتتىك جەلىلەردە «مەن ۇيدەمىن» («وستانسيا دوما»), «دوما س پولزوي» اتتى توتەنشە جاعدايدا ۇيدە وتىرۋعا شاقىراتىن چەللەندجدەر ۇيىمداستىرىلىپ, 300-دەن استام بەينەۇندەۋلەر جاريالانىپتى. «ەرەكشە اتاپ وتەر جايت, وبلىستا شەكتەۋ شارالارى ەنگىزىلگەننەن بەرى كوروناۆيرۋستىق ينفەكتسيانىڭ الدىن الۋ بويىنشا ءتۇسىندىرۋ جۇمىستارىنا جانە باسقا دا ءىس-شارالارعا 400-گە جۋىق ۆولونتەر قاتىستى. جاس وتباسىلار, كاسىپكەرلەر مەن ۇكىمەتتىك ەمەس ۇيىمدار وكىلدەرى, مەملەكەتتىك قىزمەتشىلەر دە ۆولونتەرلىك كومەكتە ەرەكشە كوزگە ءتۇستى. بارلىق ۆولونتەرلەر قورعانىس كومبينەزوندارىمەن, انتيسەپتيكالىق قۇرالدارمەن, مەديتسينالىق بەتپەردەلەرمەن جانە قولعاپتارمەن قامتاماسىز ەتىلگەن», دەيدى ە.بالتابەكوۆ.
شىعىس قازاقستان وبلىسى
