اقتوبەدە بەس كۇن بويى جۇرگەن قازاقستاننىڭ حالىق جازۋشىسى تاحاۋي احتانوۆتىڭ 90 جىلدىعىنا ارنالعان ەلىمىزدىڭ دراما تەاترلارىنىڭ ححI رەسپۋبليكالىق فەستيۆالى مارەسىنە جەتتى. قازاقتىڭ بەلگىلى جازۋشىسى, دراماتۋرگى, مەملەكەتتىك سىيلىقتىڭ لاۋرەاتى, كورنەكتى مادەنيەت ءجانە ونەر قايراتكەرى تاحاۋي احتانوۆتى ماڭگى ەستە قالدىرۋدى, ەلىمىزدە تەاتر ونەرىن ناسيحاتتاۋدى, ءداستۇرلى تەاتر ونەرىن دامىتۋدى, دارىندى ارتىستەر مەن رەجيسسەرلەردى ىنتالاندىرۋدى, قازىرگى زامانعى ساحنا ونەرىندەگى جاڭا باعىتتاردى انىقتاۋدى ماقسات ەتكەن فەستيۆالعا قاتىسقان ەلىمىزدىڭ ون جەتەكشى دراما تەاترى قازاقستاندىق اۆتورلار م.اۋەزوۆتىڭ, ب.سوقپاقباەۆتىڭ, و.ءبوكەيدىڭ, ت.احتانوۆتىڭ, ش.مۇرتازانىڭ, يران-عايىپتىڭ, ق.ىسقاقوۆتىڭ, س.اسىلبەك ۇلىنىڭ, د.جۇماباەۆانىڭ جانە و.ماركتىڭ قويىلىمدارىن قازىلار تالقىسىنا, كورەرمەندەر كوڭىل تارازىسىنا ۇسىندى. فەستيۆالدىڭ جابىلۋ سالتاناتى الدىندا تاحاۋي احتانوۆتىڭ 90 جىلدىعىنا ارنالعان مادەني شارانىڭ كۇندەلىگى تۋرالى فوتو-بەينەماتەريالدار كورسەتىلدى. سالتاناتتى ساتكە جينالعاندار الدىندا «دوستىق سازى» فولكلورلىق-ەتنوگرافيالىق ءانسامبلى ونەر كورسەتتى.
اقتوبەدە بەس كۇن بويى جۇرگەن قازاقستاننىڭ حالىق جازۋشىسى تاحاۋي احتانوۆتىڭ 90 جىلدىعىنا ارنالعان ەلىمىزدىڭ دراما تەاترلارىنىڭ ححI رەسپۋبليكالىق فەستيۆالى مارەسىنە جەتتى. قازاقتىڭ بەلگىلى جازۋشىسى, دراماتۋرگى, مەملەكەتتىك سىيلىقتىڭ لاۋرەاتى, كورنەكتى مادەنيەت ءجانە ونەر قايراتكەرى تاحاۋي احتانوۆتى ماڭگى ەستە قالدىرۋدى, ەلىمىزدە تەاتر ونەرىن ناسيحاتتاۋدى, ءداستۇرلى تەاتر ونەرىن دامىتۋدى, دارىندى ارتىستەر مەن رەجيسسەرلەردى ىنتالاندىرۋدى, قازىرگى زامانعى ساحنا ونەرىندەگى جاڭا باعىتتاردى انىقتاۋدى ماقسات ەتكەن فەستيۆالعا قاتىسقان ەلىمىزدىڭ ون جەتەكشى دراما تەاترى قازاقستاندىق اۆتورلار م.اۋەزوۆتىڭ, ب.سوقپاقباەۆتىڭ, و.ءبوكەيدىڭ, ت.احتانوۆتىڭ, ش.مۇرتازانىڭ, يران-عايىپتىڭ, ق.ىسقاقوۆتىڭ, س.اسىلبەك ۇلىنىڭ, د.جۇماباەۆانىڭ جانە و.ماركتىڭ قويىلىمدارىن قازىلار تالقىسىنا, كورەرمەندەر كوڭىل تارازىسىنا ۇسىندى. فەستيۆالدىڭ جابىلۋ سالتاناتى الدىندا تاحاۋي احتانوۆتىڭ 90 جىلدىعىنا ارنالعان مادەني شارانىڭ كۇندەلىگى تۋرالى فوتو-بەينەماتەريالدار كورسەتىلدى. سالتاناتتى ساتكە جينالعاندار الدىندا «دوستىق سازى» فولكلورلىق-ەتنوگرافيالىق ءانسامبلى ونەر كورسەتتى.
قازىلار القاسى مەن كورەرمەندەر كوڭىلىنەن شىعۋعا بار شەبەرلىكتەرى مەن ىزدەنىسىن سالعان تەاتر ارتىستەرىنىڭ ونەرى بۇل جولى نوميناتسيالار بويىنشا باعالاندى. وبلىستىق مادەنيەت باسقارماسى تاعايىنداعان «كورەرمەندەر كوزايىمى» سىيلىعىنا نيكولاي پوگودين اتىنداعى سولتۇستىك قازاقستان وبلىستىق دراما تەاترىنىڭ ءارتىسى يرينا پولەششۋك يە بولدى. ايتەكە بي اۋدانى اكىمدىگى تاعايىنداعان «ۇزدىك رەجيسسەرلىك دەبيۋت» نوميناتسياسى بويىنشا «ۆرەميا –ەتو پتيتسا» پرەمەراسىن قويعان تاحاۋي احتانوۆ اتىنداعى اقتوبە وبلىستىق دراما تەاترى ورىس ترۋپپاسىنىڭ جاس رەجيسسەرى بالتابەك نۇرعاليەۆ جەڭىمپاز اتاندى. «اكتەرلىك دەبيۋت» نوميناتسياسىندا بيكەن ريموۆا اتىنداعى تالدىقورعان وبلىستىق دراما تەاترىنىڭ اكتەرى ەركەبۇلان ايدىنباەۆتىڭ, ال, «ەكىنشى پلانداعى ۇزدىك ەر ادام بەينەسى» نوميناتسياسىندا دا وسى تەاتردىڭ اكتەرى ساعىندىق ءجۇمادىلدىڭ باعى جانىپ, مەرەيى ۇستەم بولدى. «ۇزدىك ايەل ءرولى» نوميناتسياسى بويىنشا ساكەن سەيفۋللين اتىنداعى قاراعاندى وبلىستىق دراما تەاترىنىڭ اكتريساسى دينا زايتوۆا بيىكتەن كورىندى. «ۇزدىك جاستار بەينەسى» نوميناتسياسىندا استانا قالاسىنىڭ جاستار تەاترى جەڭىمپاز بولدى. «ۇلتتىق مىنەزدى لايىقتى ۇلىقتاعانى ءۇشىن» نوميناتسياسى بويىنشا ماكسيم گوركي اتىنداعى مەملەكەتتىك اكادەميالىق ورىس تەاترى ۇزدىك دەپ تانىلدى. ال, تاريحي تاقىرىپتى شاحمەت قۇسايىنوۆ اتىنداعى اقمولا وبلىستىق قازاق مۋزىكالىق-دراما تەاترىنىڭ ءساتتى ساحنالاعانى ايتىلدى. قاليبەك قۋانىشباەۆ اتىنداعى مەملەكەتتىك اكادەميالىق قازاق تەاترىنىڭ ونەر شەبەرلەرى «ۇزدىك اكتەرلىك انسامبل» دەپ تانىلدى. «وسى زامانعى تاقىرىپتى ۇزدىك يگەرگەنى ءۇشىن» نوميناتسياسى بويىنشا مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترى جەڭىمپاز اتاندى. اقتوبە وبلىسىنىڭ اكىمى سىيلىعىنا تاحاۋي احتانوۆتىڭ «انت»پەساسىن ساحنالاعان ت.احتانوۆ اتىنداعى اقتوبە وبلىستىق دراما تەاترى يە بولدى.
جەڭىمپازدارعا مەرەيتوي يەسى تاحاۋي احتانوۆتىڭ ءبيۋستى مەن اقتوبە تۋرالى كىتاپ سىيعا تارتىلدى, جەڭىمپازدار سونداي-اق, ديپلومدارمەن جانە اقشالاي سىيلىقتارمەن ماراپاتتالدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
