تۇزەتۋ تۇزەلە تۇسپەك

ەلىمىز تۇزەۋ مەكەمەلەرىندە ۇستالىناتىن سوتتالعاندار سانى بويىنشا سوڭعى ون جىلدا 3-ءشى ورىننان 17-ورىنعا جىلجىدى. بۇل مالىمەتتى الەمنىڭ پەنيتەنتسيارلىق جۇيەسىن زەردەلەۋمەن اينالىساتىن لوندون ۋنيۆەرسيتەتى جانىنداعى حالىقارالىق تۇرمە زەرتتەۋلەرى ورتالىعىنىڭ دەرەكتەرىنە سۇيەنىپ الدىق, دەيدى كەشە جۋرناليستەرمەن كەزدەسۋ وتكىزگەن ادىلەت ءمينيسترلى­گى­نىڭ رەسمي وكىلى ەربولات ەرىمبەت. ايتسەدە, سونىڭ وزىندە ۇستىمىزدەگى جىل­دىڭ 5 ساۋىرىندەگى جاعداي بويىن­شا مەكەمەلەردەگى سوتتالعان­دار مەن تەرگەۋگە قامالعاندار سانى 62164 ادامدى قۇراپ وتىر. بۇل قازاق­ستان ءۇشىن از سان ەمەس ەكەنى بەلگىلى. ەلدە 75 تۇزەۋ مەكەمەسى جانە 19 تەرگەۋ وقشاۋلاعىشى بار. بىراق سوعان قاراماستان رەسمي وكىلدىڭ ايتۋىنشا, بىزدە بۇرىنعى وداق ەلدەرىنە قاراعاندا ادام قۇ­قى­نىڭ قورعالۋى جاقسى كورىنەدى. ونداي پىكىردى بۇۇ ازاپتاۋلاردى جانە باسقا دا قاتىگەز, ادامگەرشى­لىككە جاتپايتىن جانە ار-نامىستى قورلايتىن ءىس-ارەكەتتەر مەن جازا­لاۋ تۇرلەرىن قولدانۋ ماسەلە­لەرى ءجونىن­دەگى كوميتەتتىڭ ارنايى بايان­داما­شىسى مانفرەد نوۆاك 2009 جىلى قازاقستانعا جاساعان سا­پارىن قورىتىندىلاعاندا ءتۇيىن­دەپتى. ەندى الداعى ۋاقىتتا ادىلەت مينيسترلىگى قىلمىستىق-اتقارۋ جۇيەسىن رەفورمالاۋ ءۇشىن نەگىزگى ءۇش شارانى ىسكە اسىرۋ قاجەت دەپ سانايدى. ءبىرىنشى, سوتتالعانداردى ەمدەۋ جانە ولاردى ۇستاۋدىڭ سانيتارلىق جاعدايىن جاقسارتۋ ماقساتىندا قاج مەديتسينالىق قىزمەتىن دەنساۋلىق ساقتاۋ مي­نيسترلىگىنىڭ قاراۋىنا بەرۋ ماسە­لەسىن پىسىقتاۋدا. بۇل سوتتال­عان­دارعا مەديتسينالىق قىزمەت كورسەتۋ ساپاسىن ارتتىرۋ جانە دارىگەر قىزمەتكەرلەردىڭ قاج مەكەمەسىنىڭ اكىمشىلىگىنە تاۋەلدى بولۋىن جويۋ ءۇشىن قاجەت. ەكىنشى, قاۋىپسىزدىكتى قامتاماسىز ەتۋ ءۇشىن جانە باس بوستاندىعىنان ايىرۋ ورىن­دارىن­داعى ادامداردى جەكەلە­گەن كامەرا­لار­دا ۇستاۋ ماقساتىندا بار­لىق مەكەمەلەردى قايتا قۇرۋ نەمە­سە جاڭالارىن سالۋ ارقىلى حالىق­ارا­لىق ستاندارتتارعا جاۋاپ بەرەتىن تۇزەۋ مەكەمەلەرى مەن تۇرمە­لەر­دىڭ قاجەتتى سانىن ارتتىرۋ. ماسەلەن, 2015 جىلعا دەيىن 4 تەرگەۋ يزوليا­تورىن سالۋ, 3 ءوندىرىس ورنى مەن 1 قولدانىستاعى مەكەمەنى تۇزەۋ كولو­نيا­لارىنا قايتا لايىقتاپ قۇرۋ جوسپارلانىپ وتىر. ءۇشىنشى, قىل­مىستىق-اتقارۋ ينسپەكتسيا­سىنىڭ شتات سانىن 2010 جىلى – 591 بىرلىككە, 2011 جىلى 592 ءبىر­لىككە كوبەيتىپ, سوندا بارلىعىن 1183 بىرلىككە بىرتىندەپ ارتتىرۋعا شەشىم قابىلداندى. قازىر رەسپۋب­­ليكادا قوعامنان وقشاۋلاۋمەن بايلانىستى ەمەس جازاعا 22 530 ادام تارتىلعان. الەكساندر تاسبولاتوۆ.