وسكەمەندە د.سەرىكباەۆ اتىنداعى شقمتۋ جانە «شىعىس-ادالدىق الاڭى» جوبالىق كەڭسەسىنىڭ ۇيىمداستىرۋىمەن «ادال جولمەن جارقىن بولاشاققا!» اتتى ونلاين ۆەبينار ءوتتى. ونلاين كەزدەسۋدىڭ باس قوناعى, سىبايلاس جەمقورلىققا قارسى ءىس-قيمىل اگەنتتىگىنىڭ رەسپۋبليكالىق «Sanaly urpaq» جوبالىق كەڭسەسىنىڭ باسشىسى قايىرجان توكۋشەۆ «رەسپۋبليكالىق «سانالى ۇرپاق» جوبالىق كەڭسەسى 2018 جىلى قۇرىلعانىن اتاپ ءوتتى. «قازاقستانداعى 127 جوعارى وقۋ ورنىنىڭ 38-ءى الماتىدا ورنالاسقان. سوندىقتان «سانالى ۇرپاق» جوباسىنىڭ كەڭسەسىن اۋەلى الماتىدا اشقانبىز. وسى ۋاقىتقا دەيىن ءار قالادا, ءارتۇرلى وقۋ ورىندارىندا «پاراسات» ورتالىقتارى ءوز الدىنا جۇمىس اتقارىپ كەلسە, ەندى ءبىر ارناعا توعىسىپ, بىرلەسە جۇمىس جۇرگىزۋدى قولعا الۋ كەرەك» دەيدى ول. سپيكەر سونىمەن قاتار «PUBLICBUDGET.KZ سايتىنداعى «اشىق بيۋدجەتتەردىڭ ينتەراكتيۆتى كارتاسى» جوباسى تۋرالى كەڭىنەن اڭگىمەلەپ بەردى. سىبايلاس جەمقورلىققا قارسى ءىس-قيمىل اگەنتتىگىنىڭ وبلىس بويىنشا دەپارتامەنتى باسشىسىنىڭ ورىنباسارى جىگەر بايديلدين «پاراساتىلىق – سىبايلاس جەمقورلىقپەن كۇرەستەگى العىشارت» تاقىرىبىندا بايانداما جاساپ, جاستار اراسىندا ادال جانە پاراساتتى ورتانى قالىپتاستىرۋ ماقساتىندا اتقارىلىپ جاتقان شارالارعا توقتالدى. وبلىستىق ءبىلىم باسقارماسى باسشىسىنىڭ ورىنباسارى ايگۇل ورالعازىقىزى وقۋ ورىندارىمەن بىرلەسە جۇمىس ىستەۋدى, ءبىلىم بەرۋ سالاسىنداعى جەمقورلىقتى جويۋ جانە سىبايلاس جەمقورلىق كورىنىستەرىنە توزبەيتىن ورتانى قالىپتاستىرۋ بويىنشا ۇسىنىستارىن ايتتى. ۆەبينار سوڭىندا «شىعىس-ادالدىق الاڭى» جوبالىق كەڭسەسىنىڭ جەتەكشىسى مارجان باقىت وبلىستاعى سىبايلاس جەمقورلىق كورىنىستەرىنە توقتالىپ, مەملەكەتتىك مەكەمەلەردىڭ جۇمىسىنا قوعامدىق باقىلاۋ ورناتۋ, قاراپايىم حالىقتىڭ قۇقىقتىق ساۋاتىن اشۋ جانە كۇندەلىكتى ومىردە بايقالا بەرمەيتىن ۇبت جاعدايىنداعى وقۋشىنىڭ ۇيالى تەلەفون الىپ كىرۋىنىڭ ءوزى- سىبايلاس جەمقورلىقتىڭ باستاماسى ەكەندىگىن جەتكىزدى. شارا سوڭىندا ۋنيۆەرسيتەتتىڭ ءبىرىنشى پرورەكتورى ساۋلە راحمەتۋللينا قاتىسۋشىلارعا العىس ءبىلدىرىپ, ۆەبينار جۇمىسىن قورىتىندىلادى.
وسكەمەن
