بيىل وڭتۇستىك قازاقستان وبلىسىندا يندۋستريالاندىرۋ كارتاسىنا ەنگىزىلگەن, جالپى سوماسى 448 ملرد. تەڭگەنى قۇرايتىن 150 جوبا جۇزەگە اسىرىلىپ, سونىڭ ارقاسىندا وبلىس اۋماعىندا 19 مىڭ جاڭا جۇمىس ورنى اشىلادى. ۇستىمىزدەگى جىلدىڭ ەكىنشى جارتىجىلدىعىندا وبلىستان يندۋستريا جانە جاڭا تەحنولوگيالار مينيسترلىگىنە جالپى سوماسى 600 ملرد. تەڭگەنى قۇرايتىن 104 جوبا قوسىمشا جىبەرىلدى.
بيىل وڭتۇستىك قازاقستان وبلىسىندا يندۋستريالاندىرۋ كارتاسىنا ەنگىزىلگەن, جالپى سوماسى 448 ملرد. تەڭگەنى قۇرايتىن 150 جوبا جۇزەگە اسىرىلىپ, سونىڭ ارقاسىندا وبلىس اۋماعىندا 19 مىڭ جاڭا جۇمىس ورنى اشىلادى. ۇستىمىزدەگى جىلدىڭ ەكىنشى جارتىجىلدىعىندا وبلىستان يندۋستريا جانە جاڭا تەحنولوگيالار مينيسترلىگىنە جالپى سوماسى 600 ملرد. تەڭگەنى قۇرايتىن 104 جوبا قوسىمشا جىبەرىلدى.
وسى باعدارلامانىڭ اياسىندا ءوتكەن اپتادا كونديتەرلىك ونىمدەر شىعاراتىن «بارىس 2007» جشس فابريكاسىنىڭ اشىلۋ ءراسىمى ءوتتى. ءبىر ايتا كەتەرلىگى, 2009 جىلى بۇل كاسىپورىندا ەلباسى ن.نازارباەۆتىڭ قاتىسۋىمەن ماكارون ءونىمدەرىن شىعاراتىن جەلى ىسكە قوسىلعان بولاتىن. اتالعان جەلىنىڭ قۋاتتىلىعى ساعاتىنا 3500 كگ. نەمەسە جىلىنا 25 000 توننا ماكارون ونىمدەرىن شىعارادى. سول جولى بۇل فابريكادا 150 جاڭا جۇمىس ورنى قۇرىلعان ەدى. سودان كەيىن 2011 جىلى قۋاتتىلىعى جىلىنا 11 000 توننا ماكارون ونىمدەرىن شىعاراتىن ەكىنشى جەلى ىسكە قوسىلدى. كاسىپورىنداعى قۇرال-جابدىقتار يتاليالىق «Pavan Mapimpiati S.P.A.» مەكەمەسىنەن جەتكىزىلگەن. ەكىنشى جەلى ۇزىن ماكارون ونىمدەرىن شىعارۋعا ءمۇمكىندىك بەرىپ, 40 جاڭا جۇمىس ورنى قۇرىلدى. ساپاسىنىڭ جاقسىلىعىنان بولار «بارىس 2007» جشس شىعاراتىن ونىمدەر از ۋاقىتتىڭ ىشىندە قازاقستاننىڭ ىشكى نارىعى مەن تمد ەلدەرىندە ۇلكەن سۇرانىسقا يە بولدى. اتاپ ايتار بولساق, «مادينا» تاۋار بەلگىسىمەن شىعاتىن ماكارون ونىمدەرى ساپاسى مەن دامدىلىگى جاعىنان 2010-2011 جىلدارى رەسەيدىڭ «پرودەكسپو» حالىقارالىق كورمەسىندە «ۇزدىك تاۋار» بەلگىسىمەن ماراپاتتالىپ, 2010 جىلى «قازاقستاننىڭ ۇزدىك ءونىمى» اتاندى.
– ءبىزدىڭ ءونىم بارلىق ساپا ءجۇيەلەرىنە ساي كەلەدى, – دەيدى كاسىپورىننىڭ باس ديرەكتورى ازات قاراجانوۆ. – بيىل ءونىم ءتۇرلەرىن ۇلعايتۋ ماقساتىندا كونديتەرلىك ونىمدەردى شىعاراتىن جەلىنى ىسكە قوسۋدامىز. اتالعان جەلىنىڭ قۋاتتىلىعى ساعاتىنا 700-1000 كگ. پەچەنە, سونىمەن قاتار «تاراللي» جانە «تورچەتتي» ونىمدەرى شىعارىلادى. ءتاتتى ونىمدەردى شىعاراتىن قۇرال-جابدىقتاردىڭ جالپى قۇنى 7 ملن. اقش دوللارىن قۇرايدى.
اتالعان فابريكادا يتاليالىق «IMAFORNI» كومپانياسىنىڭ ۇزدىك جەلىسى ىسكە قوسىلعان. بۇل جەلى جوعارى ساپالى, ءپىشىنى مەن ءدامى تۇتىنۋشىنىڭ كوڭىلىنەن شىعاتىن كونديتەرلىك ونىمدەردى شىعارۋعا مۇمكىندىك بەرەدى. سونىمەن قاتار, كاسىپورىندا جاڭا 80 جۇمىس ورنى اشىلدى.
– كاسىپكەرلەرگە قىزمەت كورسەتۋ ورتالىعى «بارىس 2007» جشس-عا «بيزنەستىڭ جول كارتاسى-2020» باعدارلاماسى اياسىندا جەڭىلدىكپەن قارجى الۋعا كومەك كورسەتتى, – دەيدى وقو كقكو ديرەكتورى نۇرجان التاەۆ. – بۇل مەكەمەگە كونديتەرلىك ءونىمدەردى شىعاراتىن جاڭا جەلىنى ءىسكە قوسۋعا 532 ملن. تەڭگەنى جىلدىق 7 پايىزبەن اتف بانكى ارقىلى قارجى الۋعا, سونداي-اق ست-1 سەرتيفيكاتىن راسىمدەپ بەردى. اتالعان سەرتيفيكات كاسىپكەرلەرگە كەدەندىك جەڭىلدىكتەرگە يە بولۋعا مۇمكىندىك بەرەدى.
كونديتەرلىك فابريكا تولىق ىسكە قوسىلعاندا مەكەمەدە 270-كە جۋىق جاڭا جۇمىس ورنى اشىلادى دەپ جوسپارلانۋدا. ال تولىق ينۆەستيتسيا كولەمى 27 ملن. اقش دوللارىن قۇرايدى.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
________________________
سۋرەتتەردى تۇسىرگەن ارمان ابدىراش ۇلى.
