پاكىستان ارمياسىنىڭ گەنەرال-مايورى بابار يفتيحار: ء"ۇندى كۇشتەرى باقىلاۋ سىزىعىنىڭ بويىنداعى نيكيال جانە باگسار سەكتورلارىندا اتىستى توقتاتۋ ساتىندە كەلىسىمدى بۇزىپ, بەيبىت تۇرعىنداردى نىساناعا العان. ونىڭ ىشىندە ايەل ازاماتشاسىن قوسقاندا 4-ەۋى جازىقسىز مەرت بولىپ, 1-ەۋى جاراقات الدى", دەيدى Twitter پاراقشاسىندا.
ءۇندىستان مەن پاكىستان اراسىنداعى قاقتىعىستار 2019 جىلدىڭ 5 تامىزىندا باستالدى دەسەك بولادى. سەبەبى نيۋ-دەليدە وتكەن دجاممۋ مەن كاشميردەگى شتاتتار سانىن قىسقارتۋ تۋرالى شەشىم قابىلداعاننان كەيىن جاعداي شيەلەنىسە ءتۇستى. سونىڭ نەگىزىندە ەكى وداقتىق اۋماق قۇرۋ تۋرالى ءسوز بولدى.
جاعدايدى ءوز پايداسىنا شەشكەن ءۇندىستان پارلامەنتى مەملەكەتتىك كونستيتۋتسيانىڭ 370-بابىنا كەرى وكىم شىعارادى. ال كاشميردىڭ ءۇندى بولىگىنە كىرەتىن پاكىستان ءۇشىن بۇل شەشىم وڭتايلى ەمەس ەدى.
دۇربەلەڭى كوپ ماسەلەدەن كەيىن بريتاندىق ءۇندىستاننىڭ مۇسىلمان ايماقتارى پاكىستاننىڭ جەكە ايماقتارىنا قىرعي-قاباق قاراي باستادى. دجاممۋ مەن كاشميردىڭ كوپشىلىگى مۇسىلمان قاۋىم بولعاندىقتان, جالعىز ءۇندى مەملەكەتى بولىپ قالا بەرەدى.
ول ايماقتا تەك سەپاراتيستەر بەلسەندى جۇمىس ىستەيدى. سوندىقتان نيۋ-دەلي تاراپى سەپاراتيستەردى جاقتاسىپ وتىر دەپ ايىپتادى. يسلاماباد بۇل ايىپتاۋلاردى جوققا شىعارىپ, كاشمير تۇرعىندارى ونسىزدا ءوز قۇقىقتارى ءۇشىن دەربەس كۇرەسىپ جاتىر دەپ اتاپ ءوتتى.
