قازاقستان • 18 ماۋسىم، 2020

قازاقستاندا 20-21 ماۋسىمدا شەكتەۋ شارالارى كۇشەيتىلەدى

2351 رەت كورسەتىلدى

پرەمەر-مينيستر اسقار ءماميننىڭ توراعالىعىمەن قازاقستان اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆاك) سەلەكتورلىق وتىرىسى ءوتتى. پرەزيدەنت قاسىم-جومارت توقاەۆتىڭ تاپسىرماسىنا سايكەس قازاقستانداعى ەپيدەميولوگيالىق جاعدايدى تۇراقتاندىرۋ بويىنشا قوسىمشا شارالار قارالدى، - دەپ حابارلايدى Egemen.kz.

ەلىمىزدەگى سانيتارلىق-ەپيدەميولوگيالىق احۋال تۋرالى دەنساۋلىق ساقتاۋ ءمينيسترىنىڭ مىندەتىن اتقارۋشى ل. اقتاەۆا، وڭىرلەردەگى جاعداي تۋرالى نۇر-سۇلتان قالاسىنىڭ اكىمى ا. كولگىنوۆ، الماتى قالاسىنىڭ اكىمى ب. ساعىنتاەۆ، قاراعاندى وبلىسىنىڭ اكىمى ج. قاسىمبەك، اقمولا وبلىسىنىڭ اكىمى ە. مارجىقپاەۆ، تۇركىستان وبلىسىنىڭ اكىمى ءو. شوكەەۆ باياندادى.

قازاقستاننىڭ بىرقاتار وڭىرىندە ەپيدەميولوگيالىق جاعدايدىڭ ءورشۋىن جانە كوروناۆيرۋس ينفەكتسياسىمەن اۋىرۋ كورسەتكىشىنىڭ ارتۋىن ەسكەرە وتىرىپ، ۆاك بيىلعى 20-21 ماۋسىم، دەمالىس كۇندەرىنە، مىناداي قوسىمشا شەكتەۋ شارالارىن ەنگىزۋ تۋرالى شەشىم قابىلدادى:

  1. نۇر-سۇلتان، الماتى، قاراعاندى، شىمكەنت، پاۆلودار، ەكىباستۇز قالالارى بويىنشا: 
  • ساۋدا ويىن-ساۋىق ورتالىقتارىنىڭ، ساۋدا ۇيلەرىنىڭ، جەلىلىك دۇكەندەردىڭ، جابىق ازىق-ت ۇلىك جانە باسقا دا  بازارلاردىڭ قىزمەتى توقتاتىلادى;
  • قوعامدىق تاماقتانۋ ورىندارى تەك دالادا ءارى الەۋمەتتىك اراقاشىقتىقتى ساقتاپ قانا جۇمىس ىستەۋى ءتيىس; 
  • قوعامدىق كولىكتەردىڭ قىزمەتى شەكتەلەدى;
  • قوعامدىق دەمالىس ورىندارى: پاركتەر، ساياباقتار، جاعالاۋلار، جاعاجايلار، اكۆاپاركتەر قىزمەتى توقتاتىلادى;
  • فيتنەس-ورتالىقتارىنىڭ قىزمەتى توقتاتىلادى;
  • 65 جاستان اسقان ادامداردىڭ دالاعا شىعۋى شەكتەلسىن.
  1. تۇرعىندارىنىڭ سانى 50 مىڭنان اساتىن ەلدى مەكەندەر بويىنشا:
  • قوعامدىق ورىنداردىڭ: پاركتەر، ساياباقتار، جاعالاۋلار، جاعاجايلار، اكۆاپاركتەر جۇمىسى توقتاتىلادى;
  • 65 جاستان اسقان ادامداردىڭ دالاعا شىعۋى شەكتەلسىن.
  1. وڭىرلەردىڭ باس سانيتارلىق دارىگەرلەرىنىڭ قاۋلىلارىنا سايكەس، نۇر-سۇلتان، الماتى، قاراعاندى، شىمكەنت، پاۆلودار جانە ەكىباستۇز قالالارىنا اۋماقتىق جاقىن ورنالاسقان تۋريستىك ايماقتارعا كىرۋگە تىيىم سالۋ ال اتالعان ايماقتارداعى ادامدارعا – الەۋمەتتىك قاشىقتىقتى ساقتاۋ قاجەت.

ۇكىمەت باسشىسى وڭىرلەردىڭ اكىمدىكتەرىنە قىسقا مەرزىم ىشىندە مىنا ماسەلەلەردى پىسىقتاۋدى تاپسىردى:

  • مەديتسينالىق ۇيىمدار بازاسىندا قوسىمشا زەرتحانالار اشۋ ارقىلى حالىقتى پتر-تەستىلەۋمەن قامتۋدى كەڭەيتۋ;  
  • اۋرۋحانالاردا ينفەكتسيالىق جانە پروۆيزورلىق ورىندار سانىن كوبەيتۋ;
  • مەنشىك نىسانىنا قاراماستان، وڭىردە بار رەسۋرستاردى تارتا وتىرىپ، ناۋقاستاردى كت-زەرتتەۋمەن قامتاماسىز ەتۋ;
  • جەدەل مەديتسينالىق جاردەم ستانتسيالارىنىڭ شۇعىل جانە كەزەك كۇتتىرمەيتىن شاقىرۋلارعا ۋاقىتىلى قىزمەت كورسەتۋىن قامتاماسىز ەتۋ;
  • ۇيلەرىندە جاتقان پاتسيەنتتەرگە امبۋلاتورلىق-ەمحانالىق كومەك دەڭگەيىندە ساپالى ديناميكالىق باقىلاۋ جاساۋ (قاشىقتان، ءموبيلدى بريگادالاردىڭ كومەگىمەن);
  • حالىققا بەلسەندى اقپاراتتىق-ءتۇسىندىرۋ جۇمىستارىن جۇرگىزۋ. 
سوڭعى جاڭالىقتار

7 ءوڭىر «سارى» ايماقتا

كوروناۆيرۋس • كەشە

كوبەلەكتەر كورمەسى

ايماقتار • كەشە

كوكشەدەگى ونەر سايىسى

ايماقتار • كەشە

"حات قورجىن"

قوعام • كەشە

قوڭىر اۋەن

ونەر • كەشە

بالقاشتان باستاۋ الدى

ايماقتار • كەشە

كوتەرمەاقى كولەمى ءوستى

ايماقتار • كەشە

جىرشىلىق ونەر – جان ازىعى

ونەر • 21 قىركۇيەك، 2021

جاڭارعان جولدار – تاۋەلسىزدىك تارتۋى

قازاقستان • 21 قىركۇيەك، 2021

داعدارىس پەن دارمەنسىزدىك

ەكونوميكا • 21 قىركۇيەك، 2021

ۇلتتى ۇلىقتايتىن سۋرەتكەر

تەاتر • 21 قىركۇيەك، 2021

قازاق شىعارماسى اقش-تا باعالاندى

ادەبيەت • 21 قىركۇيەك، 2021

تاشەنوۆتىڭ قالتا ساعاتى

تاريح • 21 قىركۇيەك، 2021

سيقىرلى ساز

ونەر • 21 قىركۇيەك، 2021

دۇنيەجۇزىلىك كورمە – دۋبايدا

وقيعا • 21 قىركۇيەك، 2021

العا باستايتىن باعىت-باعدار ايقىن

ەل جانە ەلباسى • 21 قىركۇيەك، 2021

تۇراقتى ازىق-ت ۇلىك جۇيەسىن قارجىلاندىرۋ

ەكونوميكا • 21 قىركۇيەك، 2021

نورۆەگيانىڭ ۇلتتىق مىندەتى

الەم • 21 قىركۇيەك، 2021

اقمولا وبلىسىندا زاڭسىز تسەح انىقتالدى

ايماقتار • 21 قىركۇيەك، 2021

ۇقساس جاڭالىقتار