ۇستىمىزدەگى جىلعى 29 قىركۇيەك كۇنى ەجەلگى وليمپ تاۋىنىڭ ەتەگىنەن سورە باستاعان XXII قىسقى وليمپيا ويىندارىنىڭ الاۋى 5 قازان كۇنى افينادا وتكەن سالتاناتتى راسىمدە «سوچي – 2014» ۇيىمداستىرۋ كوميتەتى دەلەگاتسياسىنا رەسمي تۇردە تاپسىرىلدى.
ۇستىمىزدەگى جىلعى 29 قىركۇيەك كۇنى ەجەلگى وليمپ تاۋىنىڭ ەتەگىنەن سورە باستاعان XXII قىسقى وليمپيا ويىندارىنىڭ الاۋى 5 قازان كۇنى افينادا وتكەن سالتاناتتى راسىمدە «سوچي – 2014» ۇيىمداستىرۋ كوميتەتى دەلەگاتسياسىنا رەسمي تۇردە تاپسىرىلدى.
كەلەسى كۇنى تاڭەرتەڭ ول ماسكەۋگە جەتكىزىلدى. گرەك جەرىندە تۇتاتىلعان وتتى تۇعىردى الىپ ۇشقان ۇشاق ۆنۋكوۆو-3 اۋەجايىنا كەلىپ قوندى. سول جەردە بايكەرلەر كولونناسىنىڭ قورشاۋىنداعى كورتەج ونى قىزىل الاڭعا الىپ كەلدى. سول جەردە وليمپيالىق الاۋ تۇعىرىنا وت بەرۋ ءراسىمى ورىندالدى. سودان سوڭ الاۋ ەستافەتاسىنىڭ كرەملدەگى كەزەڭىنە كەزەك بەرىلدى. ۇزىن-ىرعاسى 9 بولىكتەن قۇرالعان بۇل مارە الەكساندر باعىندا اياقتالدى. وعان قىزمەت ەتۋگە 50 مىڭنان استام ادام قاتىستى.
جالپى, الاۋ ماسكەۋدە 6-9 قازان ارالىعىندا بولادى. سودان سوڭ ونىڭ رەسەي جەرىندەگى 123 كۇنگە جانە 6,5 مىڭ شاقىرىمعا سوزىلاتىن ۇزاق ساپارى باستالادى. وسىعان ارنالعان ءراسىم ۆاسيلەۆ ىلديىندا وتەدى. الاۋدى ءبىرىنشى بولىپ وليمپيا ويىندارىنىڭ بەس دۇركىن چەمپيونى اناستاسيا داۆىدوۆا الىپ جۇگىرەدى. بۇدان ءارى الاۋ ەلدىڭ 83 سۋبەكتىسىنە جول تارتادى. جول 10 قازان كۇنى كالينينگرادتان تۇزىلەدى. ونىڭ سوڭعى نۇكتەسى ۆلاديۆوستوكتا قويىلادى. سول بەتىمەن 7 اقپان كۇنى سوچيگە بارىپ ءبىر-اق ايالدايدى.
رۋسلان يگىلىك.
