سينوپتيكتەردىڭ مالىمەتىنشە, قازاقستاننىڭ باسىم بولىگىندە فرونتتاردىڭ اسەرىنەن تۇراقسىز اۋا رايى ساقتالادى. نوسەر جاڭبىر جاۋىپ, كەي جەرلەردە نايزاعاي جارقىلدايدى. بۇرشاق جاۋى ىقتيمال. كەي جەرلەردە جەل كۇشەيىپ, سولتۇستىك جانە شىعىستا داۋىل تۇرادى.
سولتۇستىكتە تۇمان تۇسەدى. اقمولا وبلىسىنىڭ كەي جەرلەرىندە جەلدىڭ كۇشى 15-20 م/س بولادى. بۇرشاق جاۋى ىقتيمال, كۇندىز كەي جەرلەردە داۋىلدى جەل سوعادى. سولتۇستىك قازاقستان وبلىسىنىڭ كەي جەرلەرىندە جەل قارقىنى – 15-20 م/س. بۇرشاق جاۋى مۇمكىن, تۇندە كەي جەرلەردە تۇمان تۇسەدى.
شىعىس قازاقستان وبلىسىنىڭ كەي جەرلەرىندە جەلدىڭ كۇشى – 15-20, ەكپىنى – 25 م/س بولادى, داۋىل سوعىپ, بۇرشاق جاۋى ىقتيمال.
الماتى, پاۆلودار, قاراعاندى, تۇندە تۇركىستان, كۇندىز باتىس قازاقستان, اقتوبە, قوستاناي وبلىستارىنىڭ كەي جەرلەرىندە جەل 15-20 م/س كۇشەيەدى. كۇندىز باتىس قازاقستان وبلىسىندا بۇرشاق جاۋى ىقتيمال.
پاۆلودار وبلىسىندا, كۇندىز جامبىل, قوستاناي وبلىستارىنىڭ كەي جەرلەرىندە جەل 15-20 م/س دەيىن كۇشەيەدى.
سولتۇستىك قازاقستان وبلىسىندا تۇندە جانە تاڭەرتەڭ تۇمان تۇسەدى. كۇندىز جەل ەكپىنى – 15-20 م/س.
ماڭعىستاۋ وبلىسىنىڭ كەي جەرلەرىندە جەل جىلدامدىعى 15-20 م/س جەتەدى. شاڭدى داۋىل تۇرادى.
اتىراۋ, ماڭعىستاۋ وبلىستارىندا اپتاپ ىستىق ساقتالادى.
اتىراۋ, قىزىلوردا وبلىستارىندا, اقتوبە, قوستاناي, سولتۇستىك قازاقستان, اقمولا, پاۆلودار, قاراعاندى, تۇركىستان, جامبىل وبلىستارىنىڭ باسىم بولىگىندە, الماتى وبلىسىنىڭ كەي جەرلەرىندە, باتىس قازاقستان وبلىسىنىڭ وڭتۇستىگىندە وتە جوعارى ءورت قاۋپى ساقتالادى.
