ۋەفا سۋپەركۋبوگى – قارت قۇرلىقتاعى ەڭ بەلدى جارىستاردىڭ ءبىرى ءارى بىرەگەيى. ونىڭ يەگەرى چەمپيوندار ليگاسى مەن ەۋروپا ليگاسىنا جەڭىمپاز اتانعان كوماندالار اراسىنداعى باسەكە بارىسىندا انىقتالادى. ايتۋلى ءتاج ءۇشىن تارتىس 1972 جىلدان بەرى ۇزدىكسىز ۇيىمداستىرىلىپ كەلەدى.
سۋپەركۋبوكتى ەڭ كوپ ولجالاعان كلۋبتار – يسپانيانىڭ "بارسەلوناسى" مەن يتاليانىڭ "ميلانى". ولار بەس رەتتەن تەڭدەسسىز دەپ تانىلدى. ءمادريدتىڭ "رەالى" مەن انگليانىڭ "ليۆەرپۋلى" ءتورت رەتتەن توپ جارسا, نيدەرلاندتىڭ "اياكسى" مەن ءمادريدتىڭ "اتلەتيكوسى" ءۇش مارتە دارا شىقتى. بەلگيانىڭ "اندەرلەحت", يسپانيانىڭ "ۆالەنسيا" جانە يتاليانىڭ "يۋۆەنتۋسى" ەكى رەت دارا شىقتى. سونداي-اق تاعى 15 كوماندا ءبىر-ءبىر رەتتەن وسى اتاققا قول جەتكىزدى.
مەملەكەتتەر جايىندا اڭىگىمە قوزعايتىن بولساق, بۇل رەتتە يسپانيانىڭ وزگەلەردەن وق بويى وزىق. بۇل ەلدىڭ كلۋبتارى 15 مارتە باس جۇلدەنى ولجالادى. ەكىنشى جانە ءۇشىنشى ورىنداردا – يتاليا مەن انگليا. اپەننين تۇبەگىنىڭ كوماندالارى 9 جانە تۇماندى البيون ەلىنىڭ وكىلدەرى 8 رەت جەڭىمپاز اتاندى.
