ۆولەيبولدان قازاقستان قۇراماسىنىڭ مۇشەسى, 24 جاسار سانا جارىلعاسوۆا تۇرمىسقا شىقتى. ەلىمىزدىڭ سۇلۋ ۆولەيبولشى قىزدارىنىڭ ءبىرى وزىنە ومىرلىك جار ەتىپ 26 جاستاعى مەدەت انارقۇلوۆتى تاڭدادى. بۇل تۋرالى بۇگىن Vesti.kz حابارلادى.
سانا جارىلعاسوۆا – رەسپۋبليكامىزدىڭ ءبىرىنشى استاناسى بولعان ورىنبور جەرىنىڭ تۋماسى. سپورتتاعى العاشقى جولىن ورالدىڭ «گراتسيا» كومانداسىندا باستاعان. سودان كەيىن «ەرتىس-كازحروم» جانە «الماتى» كوماندالارىندا وينادى. قازاقستان قۇراماسى ساپىندا الەمدىك گران-پري جارىسىنا قاتىسىپ, ونىڭ قۇرامىندا 17-ورىن الدى. ال جاقىندا عانا باس كوماندامەن بىرگە 2014 جىلى يتاليادا وتەتىن الەم چەمپيوناتىنا جولداما جەڭىپ الدى.
سانا سونداي-اق قازاقستانداعى سۇلۋ سپورتشىلاردىڭ ءبىرى بولىپ تابىلادى. ول بىلتىر سپورتشى قىزداردىڭ اراسىندا وتكەن سۇلۋلىق سايسىندا دزيۋدوشى ماريان ورداباەۆادان كەيىنگى ەكىنشى ورىن الدى.
مەدەت انارقۇلوۆ – شىمكەنت جەرىنىڭ تۋماسى. وسىندا ۆولەيبول مەكتەبىنەن ءتالىم الىپ شىققان ول سپورتشى رەتىندەگى جولىن تۋعان قالاسىنىڭ «قازىعۇرت» كومانداسىنان باستادى. 2009 جىلى «اتىراۋ» كومانداسىنىڭ ساپىنا اۋىستى. ونىڭ قۇرامىندا قازاقستان كۋبوگىنىڭ يەگەرى اتاندى. 2011 جىلى شىمكەنتتىڭ «دينامو-قازىعۇرت» كومانداسىنا قايتىپ ورالدى. بۇدان بولەك, سپورتشىلىق مانسابىن قازىر شىمكەنتە ۋچاسكەلىك ينسپەكتور قىزمەتىمەن ۇشتاستىرىپ ءجۇر. ول ىشكى ىستەر ورگاندارىندا اعا لەيتەنانت شەنىندە قىزمەت ەتەدى.
ەسكە سالا كەتەيىك, بيىلعى جىل سپورتشىلارىمىزدىڭ ءوز جۇپتارىن تاۋىپ, شاڭىراق قۇرۋعا ايرىقشا ءمان بەرىپ جاتقان كەزەڭى بوىلپ تۇر. ايتالىق, وسىدان شامالى كۇن بۇرىن گرەك-ريم كۇرەسىنىڭ شەبەرى المات كەبىسباەۆتىڭ ۇيلەنۋ تويى ءوتتى. ونىڭ الدىندا عانا اۋىر اتلەت كيريلل پاۆلوۆ نەكەلى جارىن تاپتى. ال جىلدىڭ ودان بۇرىنعى كەزەڭدەرىندە اۋىر اتلەتتەر مايا مانەزا مەن ۆياچەسلاۆ ەرشوۆ, سۆەتلانا پودوبەدوۆا مەن ۆلاديمير سەدوۆ ءبىر-بىرىمەن جۇپتاسسا, ءزۇلفيا چينشانلو قىتايدا تۇراتىن سەرىگىمەن قوسىلدى.
رۋسلان يگىلىك.
