بەينەكونفەرەنتسيادا كوتەرىلگەن ماسەلەلەردىڭ ءبىرى – فۋتزالدان چەمپيوندار ليگاسىنىڭ الداعى ۋاقىتتاعى كەستەسى مەن رەگلامەنتى جانە شەشۋشى سايىستاردىڭ وتەتىن جەرىن تاڭداۋ. سوعان سايكەس اتالمىش جارىستىڭ بيىلعى ماۋسىمداعى جارتىلاي فينالى, ءۇشىنشى ورىن ءۇشىن تارتىس جانە فينالدىق سايىسى 8-11 قازان ارالىعىندا يسپانيانىڭ بارسەلونا قالاسىندا ۇيىمداستىرىلاتىن بولدى.
ەستەرىڭىزگە سالا كەتەيىك, بيىل چەمپيوندار ليگاسىنىڭ جارتىلاي فينالىندا مىنا كوماندالار ءوزارا كۇش سىناسادى: "بارسا" (يسپانيا) – كپرف (رەسەي) جانە "مۋرسيا" (يسپانيا) – "تيۋمەن" (رەسەي). وسى جۇپتاردىڭ جەڭىمپازدارى باس جۇلدە ءۇشىن تالاسسا, جەڭىلگەندەرى قولا مەدال ءۇشىن كۇش سىناسادى.
