گۆاتەمالادا 9 پوليتسەيدى ءولتىرىپ, تاپتىرماي جۇرگەن اتىشۋلى قىلمىستىق توپ مەكسيكادا قۇرىقتالدى. بۇل تۋرالى «ۆەستي.رۋ» ينتەرنەت-گازەتى حابارلادى..
گۆاتەمالانىڭ ارنايى قىزمەتى حابارلاعانداي, ۇستىمىزدەگى جىلى ەدۋاردو ۆيلياتورو كانو دەگەن ادامنىڭ باسقارۋىنداعى قىلمىستىق توپ سالكاح قالاشىعىنداعى پوليتسيا بولىمشەسىنە شابۋىلداعان. 36 مۇشەسى بار قارۋلى قىلمىسكەرلەر 8 پوليتسيانى وقيعا ورنىندا ءولتىرىپ, بىرەۋىن وزدەرىمەن بىرگە الىپ كەتكەن. قىلمىسكەرلەردىڭ قولىنا تۇسكەن الگى پوليتسەيدىڭ دە ءومىرى قيىلعان. ونىڭ جانسىز دەنەسى باسقا جەردەن تابىلعان.
گۆاتەمالا پرەزيدەنتى وتتو پەرەس مولينا الەمگە گۋايو كانو دەگەن اتپەن تانىمال ەدۋاردو ۆيلياتورو كانونىڭ توبى تولىقتاي قولعا تۇسكەنى تۋرالى مالىمدەدى.
جولدىباي بازار.
