ويتكەنى, جازدىڭ اياعىندا ەلىمىزدەگى ەپيدەميولوگيالىق احۋال قيىنداپ, اتالعان كولىك يەلەرى بۇل ناۋقاننان تىس قالۋى مۇمكىن. ءىىم اكىمشىلىك پوليتسيا كوميتەتى باسشىسىنىڭ ورىنباسارى سەرىك ءتۇسىپوۆتىڭ ايتۋىنشا, ارمەنيانىڭ ۋاكىلەتتى ورگاندارىندا قازاقستان ازاماتتارىنىڭ اتتارىنا تىركەلگەن, سونداي-اق ەلىمىزگە 2020 جىلدىڭ ءبىرىنشى اقپانىنا دەيىن اكەلىنگەن اۆتوكولىكتەر جاتادى. مۇنداي كولىكتى سەنىمحاتپەن نەمەسە ساقتاندىرۋ ءپوليسى بويىنشا باسقارىپ جۇرگەن تۇلعالار تىركەي المايدى. سەبەبى ولار بۇل ساناتتاعى كولىكتەردىڭ مەنشىك يەلەرى بولىپ سانالمايتىنىن ايتادى ءتارتىپ ساقشىلار. دەگەنمەن ساقتاندىرۋ ءپوليسى ارقىلى اتالعان كولىك قۇرالدارىن باسقارۋ قۇقىعى بەرىلەدى.
ء"تيىستى قاۋلىنىڭ نەگىزىندە اۆتوكولىكتى تىركەۋ قۇنى 11 946 تەڭگەنى قۇرايدى. تىركەۋ ءۇشىن تاعايىندالاتىن الىمنىڭ قۇنى 695 تەڭگە. تەحنيكالىق تولقۇجات ءۇشىن 3473 تەڭگە جانە مەملەكەتتىك ءنومىر ءۇشىن 7778 تەڭگە تولەۋ ءتارتىبى قاراستىرىلعان. اكەلىنگەن كولىكتەر ارمەنيانىڭ قۇزىرلى ورگاندارىنىڭ ەسەبىندە تۇرعاندىقتان ولاردى قازاقستانعا تىركەۋ كەزىندە سارى ءتۇستى مەملەكەتتىك تىركەۋ ءنومىرى تابىستالادى. مۇنداي نومىرلەر باسقا مەملەكەتتە تۇراقتى تىركەۋى بار كولىكتەرگە بەرىلەدى. بۇعان قوسا كولىك يەسىنىڭ تۇرعىلىقتى ءوڭىرى بويىنشا وبلىستىق كودى تاپسىرىلادى", - دەدى س.ءتۇسىپوۆ.
