كوروناۆيرۋستىڭ ەمى تابىلدى

كوروناۆيرۋس • 17 ماۋسىم، 2020

كوروناۆيرۋستىڭ ەمى تابىلدى

42828 رەت كورسەتىلدى

بۇل جاڭالىقتى بۇگىن ءتۇس اۋا ددسۇ جاريالادى. مەديتسينا تىلىندە "دەكسامەتازون" دەپ اتالاتىن ءدارىنىڭ باعاسى 10 اقش دوللارىنان از تۇرادى. الەم حالقىن كوپ كۇتتىرگەن پرەپارات 1960 جىلدان بەرى قولدانىستا يە ەكەن، - دەپ حابارلايدى Egemen.kz ددسۇ-نىڭ سايتىنا سىلتەما جاساپ.

گۇلبارشىن ايتجانبايقىزى

ۇيىم باسشىسى تەدروس ادحانوم گەبرەيەسۋس بۇگىن تاڭەرتەڭ جۋرناليستەرمەن كەزدەسكەن كەزدە "دەكسامەتازون" دەپ اتالاتىن پرەپاراتتىڭ سىناما ناتيجەلەرىن "عىلىمي سەرپىلىس" دەپ باعا بەردى.

سەبەبى الەمدىك قاۋىمداستىق پرەپارات ىندەتتەن ءولىم-ءجىتىم سانىن ۇشتەن بىرگە ازايتادى دەپ ۇمىتتەنىپ وتىر. "سارسەنبىدە دۇنيەجۇزىلىك دەنساۋلىق ساقتاۋ ۇيىمى (ددسۇ) ۇلىبريتانيادا وتكىزىلگەن كلينيكالىق زەرتتەۋلەردىڭ العاشقى ناتيجەلەرىن ماقۇلدادى جانە كورتيكوستەرويدتى دەكسامەتازون كوروناۆيرۋسى اۋىر ناۋقاستار ءۇشىن ومىرلىك ماڭىزى بار ەكەنىن كورسەتتى"، دەلىنگەن ۇيىمنىڭ سايتىندا. باعاسى 10 دوللاردان از تۇراتىن بۇل پرەپاراتتى قولدانعان كەزدە ۆەنتيلياتورلارعا قوسىلعان ناۋقاستاردىڭ ءولىمى ۇشتەن بىرگە، ال وتتەگىگە مۇقتاج ادامدار اراسىندا بەستەن ءبىر بولىگى ازايدى. پرەپاراتتىڭ ارتىقشىلىعى تەك اۋىر ناۋقاستاردا بايقالادى.

"بۇل كەرەمەت جاڭالىق، مەن ۇلىبريتانيا ۇكىمەتىن، وكسفورد ۋنيۆەرسيتەتىن، اۋرۋحانالار مەن وسى عىلىمي جەتىستىككە ۇلەس قوسقان پاتسيەنتتەردى قۇتتىقتايمىن. ناتيجەلەر كورسەتكەندەي، بۇل پرەپارات كوروناۆيرۋستى وتتەگى ماسكاسى نەمەسە مەحانيكالىق جەلدەتۋدى قاجەت ەتەتىن پاتسيەنتتەردىڭ ءولىمىن ازايتادى"، دەدى ددسۇ جەتەكشىسى تەدروس ادان گەبرەيسۋس.

دەكسامەتازون – ستەرويدتى گورمون، ول 1960-شى جىلداردان باستاپ بەلگىلى ءبىر جاعدايلاردا قابىنۋدى ازايتۋ ءۇشىن، سونىڭ ىشىندە قاتەرلى ىسىكتىڭ كەيبىر تۇرلەرىن ازايتۋ ءۇشىن قولدانىلادى. 1977 جىلدان باستاپ ددسۇ نەگىزگى دارىلىك زاتتاردىڭ ۇلگىلىك تىزىمىنە بىرنەشە فورمۋلامەن ەنگىزىلگەن جانە قازىرگى ۋاقىتتا كوپتەگەن ەلدەردە پاتەنتتەلگەن جانە باعاسى قول جەتىمدى.

اقپان ايىندا جەنەۆادا ددسۇ زەرتتەۋ جانە دامىتۋ جوسپارى بويىنشا وتكەن جيىندا كوروناۆيرۋستى ەمدەۋدىڭ دەنساۋلىق ساقتاۋ تەحنولوگيالارىن ەنگىزۋدى جەدەلدەتۋگە باعىتتالعان جانە ستەرويدتاردى قولدانۋ بويىنشا ودان ءارى زەرتتەۋلەرگە باسىمدىق بەرىلگەن بولاتىن. ددسۇ كوروناۆيرۋسپەن كۇرەسۋ ءۇشىن ومىرلىك ماڭىزدى ءدارى-دارمەكتەر مەن ۆاكتسينالاردى جاساۋ بويىنشا بارلىق سەرىكتەستەرمەن جۇمىستى جالعاستىراتىندىعىن مالىمدەدى.

ايتا كەتۋ كەرەك، وكسفورد ۋنيۆەرسيتەتى عالىمدارىنىڭ زەرتتەۋ ناتيجەلەرى بويىنشا قابىنۋعا قارسى قولدانىلعان دەكسامەتازوننىڭ ارقاسىندا كوروناۆيرۋستان ءولىم كورسەتكىشى كۇرت تومەندەگەن.

ۇلىبريتانيا باسشىلارى كۇنى كەشە بۇل ءدارىنى COVID-19-عا قارسى قولدانۋعا رۇقسات بەرگەن ەدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز