الماتى قالاسى ماڭايىنان «كوك جايلاۋ» تاۋ-شاڭعى كۋرورتى سالىناتىن بولىپ ۇيعارىلدى. بۇل تۋرالى Meta.kz حابارلادى.
كەزىندە بىرقاتار ەكولوگتار ۇلتتىق تابيعي قورىقتىڭ كىندىك تۇسىنا ورنالاساتىن وسى كۋرورتتى سىلەۋسىن, تاۋ ەشكىسى, مارال سياقتى جانۋارلاردىڭ جۇرۋىنە كەدەرگى كەلتىرەدى دەگەن بولاتىن.ارادا ءبىراز ۋاقىت وتكەننەن كەيىن الماتى قالالىق تۋريزم باسقارماسىنىڭ باستىعى باقىتجان جولامانوۆ ەلىمىز ەكولوگتارىمەن مامىلەگە كەلگەنىن جانە «كوك جايلاۋ» تاۋ-شاڭعى كۋرورتىنىڭ 2015 جىلى سالىناتىنىن ءمالىم ەتتى. «راس جاڭادان سالىناتىن «كوك جايلاۋ» تاۋ-شاڭعى كۋرورتى توڭىرەگىندە ءبىراز داۋ-داماي تۋىندادى. بىراق, قازىرگى قولدانىستاعى ساياحات نىساندارىنىڭ كولەمى شاعىن بولۋى سەبەپتى وعان كەلۋشىلەر سانى دا از. مىسالى, «شىمبۇلاق» پەن «اقبۇلاق» 6-7 مىڭ ادامعا عانا قىزمەت كورسەتە الادى. ال بولاشاقتاعى «كوك جايلاۋ» كۋرورتى وسى ولقىلىقتىڭ ورنىن تولتىرۋعا قىزمەت جاسايدى»,- دەيدى ب. جولامانوۆ.
جاڭا نىسان تۇسەتىن ورىن 2,7 گەكتار اۋماقتى قامتيدى. ول جەردەن قوناقۇيلەر, رەستوراندار, اتتراكتسيوندار جانە تاعى دا باسقا نازار اۋدارارلىق نىساندار بوي كوتەرەدى. جالپى العاندا, الەمنىڭ بىرقاتار ەلدەرى تاۋ شاڭعى ءتۋريزمىن دامىتۋعا ايرىقشا كوڭىل ءبولىپ وتىر. ەگەر ءبىز «كوك جايلاۋدى» ىسكە قوسار بولساق, رەسەيدىڭ ءسىبىر جۇرتى دا بىزگە كەلە باستايدى. ويتكەنى, ولار شاڭعى تەبۋ ءۇشىن سوناۋ ءالپى تاۋىنا بارادى ەكەن.
الماتى قالالىق تۋريزم باسقارماسىنىڭ باستىعى باقىتجان جولامانوۆتىڭ مالىمدەۋىنشە, «كوك جايلاۋ» تاۋ-شاڭعى كۋرورتى قۇرىلىسى 2-3 جىل كولەمىندە ءبىتۋى ءتيىس. ال 2017 جىلى وسى جەردەن قىسقى ۋنيۆەرسيادا ويىندارىن وتكىزۋ جوسپارلانىپ وتىر.
دانيار تۇيمەباي.
