سالا ماماندارى الىم تولەۋدىڭ ءتارتىبىن بىلاي ءتۇسىندىردى:
"زاڭنامادا كوزدەلگەن بارلىق الىمدار, ناقتى ايتقاندا بۇل مەملەكەتتىك باج سالىعى, كادەگە جاراتۋ الىمى جانە كەدەندىك تولەمدەر شەتەلدەن اكەلىنگەن جانە باسقا مەملەكەتتەردىڭ ەسەبىندە تۇرمايتىن كولىك قۇرالدارىن تىركەۋ كەزىندە قاراستىرىلعان. ۇكىمەتتىڭ قاڭتار ايىنداعى قاۋلىسى ارمەنيادا اۆتوكولىكتى ەسەپتەن الىپ, ونى قازاقستاندا ادەتتەگى تارتىپپەن تىركەۋدى قالايتىن كولىك يەلەرى ءۇشىن قابىلداندى. سوندىقتان بۇل كولىك يەلەرىنە اتالعان راسىمدەردى ورىنداۋ ءۇشىن جەتكىلىكتى ۋاقىت بەرىلدى", دەدى ءىىم اكىمشىلىك پوليتسيا كوميتەتى باسشىسىنىڭ ورىنباسارى سەرىك ءتۇسىپوۆ.
قازىر شەتەلدىك ءنومىرلى كولىكتەردى ارنايى حالىققا قىزمەت كورسەتۋ ورتالىقتارىندا تىركەۋ مۇمكىندىكتەرى قاراستىرىلعان. ازاماتتارعا قولايلى بولۋ ءۇشىن بۇل ورتالىقتاردىڭ جۇمىسى جەكسەنبى كۇندەرى تۇسكى ساعات 13:00-گە دەيىن جالعاسادى. پوليتسيا وكىلدەرى حقكو-نىڭ مۇراعاتىندا ارمەنيانىڭ جاۋاپتى ورگاندارىنان بەرىلگەن تەحنيكالىق قۇجاتتار مەن مەملەكەتتىك نومىرلەرى ساقتالاتىنىن ايتادى.
