قازاقستاندىق جاس مۋزىكانت ءوزىنىڭ 24 مامىردا وتكەن تىكەلەي ەفيرى كەزىندە برازيليا تۋرالى تىلگە تيەك ەتكەن بولاتىن. ديماشتىڭ اكەسى قانات ايتباەۆ تا لاتىن امەريكاسىندا كونتسەرتتىڭ الداعى ۋاقىتتا ءوتۋ مۇمكىندىگىن جەتكىزدى:
"وسىعان دەيىن لاتىن امەريكاسىنا كونتسەرتتەر بەرۋ جونىندە ۇسىنىستار الدىق. الايدا, كوروناۆيرۋس ينفەكتسياسى پاندەمياسىنا بايلانىستى كەيىنگە قالدىرۋعا تۋرا كەلدى. كارانتين اياقتالعان كەزدە ۇيىمداستىرۋشىلار بىزگە ناقتى ۇسىنىستارىمەن شىعۋى مۇمكىن, ءبىز ارينە, مۇنى ەسكەرەتىن بولامىز. لاتىن امەريكاسىندا كونتسەرتتەر بەرۋ ءبىز ءۇشىن دە قىزىق", دەدى ق. ايتباەۆ.
برازيليالىق Dears تا لاتىن امەريكاسىنىڭ ديماشتىڭ كەلەسى تۋرىنا ىلىگەتىنىنە نىق سەنىمدى. ويتكەنى, برازيلياداعى ديماشتىڭ فان-كلۋبى كۇن ساناپ تانىمال بولىپ كەلەدى, ءتىپتى, قازاقستاندىق ورىنداۋشىنىڭ الەمدەگى فان-كلۋبتارى اراسىندا دا تانىمال بولىپ ۇلگەرگەن.
ديماشتىڭ برازيلياداعى فان-كلۋبى (DKFCB) 24 مامىردا برازيليا قالاسىندا ءانشىنىڭ تۋعان كۇنىن اتاپ ءوتۋ ماقساتىندا كەزدەسپەك بولعان. ءتىپتى, ارنايى باعدارلاما دا جاساقتالعان ەكەن. مۇمكىندىگى شەكتەۋلى بالالاردى مۋزىكاعا وقىتۋ ءۇشىن قارجى جيناۋدى دا جوسپارلاپتى. الايدا, COVID-19 پاندەمياسىنا بايلانىستى قايىرىمدىلىق اكتسياسىن كەيىنگە قالدىرۋعا تۋرا كەلدى.
فان-كلۋب شىعىس ەۋروپادان اكەلىنگەن ديماشتىڭ قولتاڭباسى بار زاتتاردى ساتۋ ارقىلى 3.100,00 برازيليالىق رەال (~250 مىڭ تەڭگە) جيناعان. ول قاراجات از قامتىلعان وتباسىلارعا ءبىر توننا ازىق-ت ۇلىك جانە تازالىق قۇرالدارىن الۋعا جۇمسالدى.
ء"بىز قايىرىمدىلىق اكتسياسىن ديماشتىڭ تۋعان كۇنى قارساڭىندا وتكىزگىمىز كەلدى, ويتكەنى, ديماش ماحابباتتىڭ, دوستىقتىڭ, كوڭىل ءبىلدىرۋدىڭ جانە ىنتىماقتاستىقتىڭ بەلگىسى ىسپەتتى. ديماش ءۇشىن بۇل باعالى سىيلىق بولاتىنىنا سەنىمدىمىز", دەيدى برازيليالىق فان-كلۋبتىڭ اكىمشىسى تاتيانا ريبەيرو.
"DKFCB" فان-كلۋبى 2018 جىلى قۇرىلدى. الەۋمەتتىك جەلىلەردەگى رەسمي اككاۋنتتاردان وزگە برازيليالىق Dears-تەردە ءانشىنىڭ ونەر جولىمەن قاتار, قازاقستاننىڭ مادەنيەتى مەن تاريحىنا ارنالعان جەكە بلوگى بار. بلوگتى برازيلياداعى قازاقستان ەلشىلىگىنەن اقپارات الىپ وتىراتىن سابرينا ماسيەل جۇرگىزەدى.
"بلوگتاعى ءار جازبادا ديماشتىڭ ەلى تۋرالى جاريالايمىز. سوندىقتان, بۇل پوستتاردا حالىقتىق جانە ءداستۇرلى مۋزىكانى قولدانامىز. پوپ-مۋزىكا ءبىزدىڭ فان-كلۋبتىڭ وزگە الەۋمەتتىك جەلىلەرىندە پايدالانىلادى", دەيدى سابرينا ماسيەل.
15 قاراشادا ديماشتىڭ برازيليالىق فان-كلۋبى ەكى جىلدىعىن اتاپ وتەدى. كەزدەسۋ 24 مامىردا جوپارلانعان باسقوسۋ سەكىلدى برازيليا قالاسىندا ءوتۋ كەرەك. بىلتىر DKFCB سان-پاۋلۋ, ريو جانە رەسيفي قالالارىندا ءۇش كەزدەسۋ وتكىزدى.
