ءۇندىستاننىڭ رەسمي باق وكىلدەرى مالىمدەگەندەي, جىل مەزگىلىنىڭ ادەتتەگى مۋسسون جاڭبىرلى كەزەڭى ەل ءۇشىن اپاتتىق جاعداي تۋعىزعان. بۇل تۋرالى Gismeteo.ru حابارلادى.
وتكەن اپتادا ورىن العان جاۋىن-شاشىننان ءۇندىستاننىڭ بيحار مەن دجارگحاند شتاتتارى قاتتى زارداپ شەكتى. داۋىلدى جەل كوپتەگەن ۇيلەردى قيراتىپ, ەلەكتر جەلىلەرىن ءۇزىپ كەتتى. ال نايزاعايدان ءبىراز ادام قازا تاپتى.
ءۇندىستان توتەنشە جاعدايلار مەن اپات سالدارىن جويۋ ءمينيسترى رەنۋ كۋماري كۋشۆاحتىڭ ايتۋى بويىنشا, بيحار شتاتىندا نايزاعايدان كەم دەگەندە 24 ادام قازا تاپقان. ولاردىڭ ىشىندە 7 بالا بار. سونداي-اق دجارگحاند شتاتىندا نايزاعاي 8 ادامنىڭ ءومىرىن قيدى.
ايدار ورىسباەۆ.
