كەزىندە ءۇندىس فەرمەرى ەرەكشە بوياۋلى تۇقىمى بار سوبىقتاردى جيناۋ ارقىلى ءتۇرلى-ءتۇستى جۇگەرى ءوسىرىپ شىعارعان ەكەن. بۇل تۋرالى Paranormal-news.ru حابارلادى.
قازىرگى ۋاقىتتا ءتۇرلى-ءتۇستى جۇگەرىنىڭ تۇقىمىن ينتەرنەت ارقىلى تاپسىرىس بەرىپ, ساتىپ الۋعا بولادى. بۇل استىقتىڭ ءبىرىنشى ءونىمى اقش-تىڭ وكلاحوما شتاتىندا جينالدى. ونى ارعى اتالارى ۇندىستەردىڭ چيروكي تايپاسىنان شىققان فەرمەر كارل بارنس ءوسىردى. ول ۇزاق جىلدار بويى تەر توگىپ, اقىرى ءتۇرلى-ءتۇستى داندەرى بار جۇگەرى ءوسىرىپ شىعاردى.
قايتىس بولار الدىندا كارل بارنس ەرەكشە تۇقىم مەن ولاردى ءوسىرۋ قۇپياسىن ءوزىنىڭ دوسى گرەگ شەنگە امانات ەتىپ قالدىرىپ, بۇل جۇمىستى جالعاستىرۋىن سۇرايدى. 2010 جىلى مارقۇم دوسىنىڭ ءوتىنىشىن ورىنداۋعا مۇمكىندىگى بولماعان شەن تۇقىمداردى اريزونا شتاتىندا ءوزىنىڭ شاعىن شارۋاشىلىعى بار بيلل ماكدورمانعا تاپسىرادى.
«بۇل استىقتىڭ ءبىرىنشى ءونىمىن جيعان كەزدە قاتتى تاڭ قالدىم, – دەيدى ماكدورمان. – ەشكىم, ەشقاشان مۇنداي جۇگەرىنى كورگەن ەمەس».
بۇگىنگى تاڭدا ماكدورمان ءوزىنىڭ ينتەرنەت سايتى ارقىلى ەرەكشە جۇگەرى تۇقىمىنىڭ ءبىر بۋماسىن 7,95 دوللارعا ساتۋدا. ەرەكشە تاۋار الەم بويىنشا ۇلكەن سۇرانىسقا يە بولىپ وتىر.
ايدار ورىسباەۆ.
