"قازاۆتوجول" ۇلتتىق كومپانياسى" اق وبلىستىق فيليالىنىڭ مالىمەتىنشە, 105 نىساننىڭ 30-ى بوس تۇر, قالعان 56 نىسان جىلى دارەتحانالار مەن اۆتوكولىك تۇراقتارى جوق, قاجەتتى ستاندارتقا ساي كەلمەيدى.
ەلىمىزدەگى "اۆتوموبيل جولدارى" تۋرالى 2015 جىلى زاڭناما وزگەرىستەرىنە سايكەس, رەسپۋبليكالىق ماڭىزى بار جول بويىنداعى نىسانداردىڭ بارلىعى جىلى دارەتحانامەن قامتىلۋى ءتيىس.
بيىل جاز ايىندا اقتوعاي, جەلەزين, باياناۋىل, اققۋلى اۋداندارىنىڭ شىعا بەرىسىنە اس ىشەتىن ورىن, ازىق-ت ۇلىك دۇكەنى جانە جىلى دارەتحاناسى بار كونتەينەرلىك مودۋلدەر ورناتىلادى.
ءبىر ءمودۋلدىڭ باعاسى- 28 ميلليون تەڭگە.
ال, جول بويىنداعى جانار-جاعارماي بەكەتتەرى دارەتحانالارىنا جولاۋشىلاردى كىرگىزبەيدى.
وبلىستىق كاسىپكەرلىك, ساۋدا جانە تۋريزم باسقارماسىنىڭ حابارىنشا, وڭىردەگى جول بويىنداعى سەرۆيستىك قىزمەت كورسەتۋ نىساندارىنىڭ 50-دە جىلى دارەتحانا بار.
وتكەن جىلى جول بويىندا قىزمەت كورسەتەتىن 4 نىسان ىسكە قوسىلعان. بيىل تاعى 9 جاڭا نىساندى پايدالانۋعا بەرىلمەك.
فيليال مالىمەتىنشە, ەگەر قۇجاتتارعا وزگەرىستەر ەنگىزىلسە, قاجەتتى ستاندارتتى ورىنداعىسى كەلمەيتىن جول بويىنداعى كاسىپكەرلىك نىساندارىنا ايىپپۇل سالۋ.
نەمەسە, جول بويىندا قىزمەت كورسەتۋ ورنىنا بۇرىلاتىن جولدى جاۋىپ تاستاۋ.
سونىمەن بىرگە, اۋدان-قالا اكىمدەرىن جەرگىلىكتى كاسىپكەرلەرمەن جۇمىس جۇرگىزۋدى قولعا الۋلارى قاجەت.
فيليال مالىمەتىنشە, قازىر ءبىزدىڭ ۇكىمەت KazWay كونتەينەرلىك تيپىندەگى ءمودۋلدى پاۆيلوندار ورناتۋدى باستاماق ەكەن.
ياعني, 2025 جىلعا دەيىن ەلىمىزدىڭ جولدارىندا ءدال وسىنداي 360 سەرۆيستىك نىسان ورناتىلادى.
العاشقى كەزەكتە جالپى قۇنى 1,5 ملرد. تەڭگە بولاتىن 66 مودۋل سالىنادى. ولاردىڭ 5 -ءى ءبىزدىڭ وبلىستا ورناتىلماق.
پاۆلودار وبلىسى
