قازاقستان • 16 ماۋسىم، 2020

سۋ-27 ۇشاقتارى كۇردەلى جوندەۋ مەن جاڭارتۋدان ءوتتى

10 رەت كورسەتىلدى

"قازاقستان اۆياتسيالىق يندۋسترياسىنىڭ" ماماندارى سۋ-27ۋمب-2 ۇشاعىن كۇردەلى جوندەۋدەن جانە جاڭارتۋدان كەيىن قازاقستاننىڭ اسكەري-اۋە كۇشتەرىنە تاپسىردى. بۇل تۋرالى قورعانىس مينيسترلىگىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

جويعىشتاردى قابىلداپ، نۇر-سۇلتان قالاسىنداعى اەرودرومدا ۇشۋ سىناقتارىن وتكىزۋ بارىسىندا اۋە قورعانىسى كۇشتەرىنىڭ باس قولباسشىسى اۆياتسيا گەنەرال-لەيتەنانتى نۇرلان ورمانبەتوۆ، اسكەري اۋە كۇشتەرىنىڭ قولباسشىلىعى، مايدان اۆياتسياسىنىڭ ۇشقىشتارى، سونداي-اق اسكەري اۆياتسيا ينجەنەرلەرى قاتىستى.

اسكەري ۇشقىشتار جۇرگىزىلگەن جۇمىستارعا وڭ باعا بەردى.

"ۇشاقتىڭ جەردەگى جانە اۋە ماقساتتارىندا جوعارى دالدىكتەگى قارۋدى قولدانۋ مۇمكىندىگى زور. قوسىمشا ناۆيگاتسيا ورناتىلعان، جوعارى دالدىكتى قارۋدىڭ ءىلۋ نۇكتەلەرى ۇلعايىپ، اۋە كەمەسىنىڭ جاۋىنگەرلىك مۇمكىندىكتەرى ارتا ءتۇستى"، - دەدى اۆياتسيالىق ەسكادريليا كومانديرىنىڭ ورىنباسارى مايور رۋسلان ماقاديەۆ.

جوندەۋ جۇمىستارىن "قازاقستان اۆياتسيالىق يندۋسترياسىنىڭ" ينجەنەرلىك-تەحنيكالىق قۇرامى بەلارۋس اۆياجوندەۋ زاۋىتىنىڭ ماماندارىمەن بىرلەسىپ جۇرگىزدى.

"قازاقستاندىق اۆياتسيا يندۋسترياسى" - بۇل قورعانىس ونەركاسىبىنىڭ اۆياتسيالىق كلاستەرىن جانە قازاقستاننىڭ ءوندىرىس، تەحنيكالىق قىزمەت كورسەتۋ جانە اسكەري اۋە كەمەلەرىن جوندەۋ نارىعىندا باسەكەگە قابىلەتتىلىگىن دامىتۋ ماقساتىندا قورعانىس مينيسترلىگىنىڭ باستاماسى بويىنشا قۇرىلعان قازىرگى زامانعى اۆياتسيالىق كاسىپورىن.

سوڭعى ەكى جىل ىشىندە قازاقستان اۋماعىندا العاش رەت وتاندىق كاسىپورىنمەن ان-72 اسكەري-كولىك اۆياتسياسىنىڭ ۇشاقتارىندا رەگلامەنتتىك جۇمىستار ورىندالدى، ال قازىرگى ۋاقىتتا سۋ-25 ۇشاعىنىڭتورتەۋىنەكۇردەلى جوندەۋ جۇرگىزىلۋدە.

1

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار