بۇل ايلىق مولشەردىڭ جارتىسىنان كوبى. جاۋىن-شاشىن سۋىن سورعىتۋعا 100-دەن استام ارنايى كولىك جۇمىلدىرىلدى, ولار اسسەنيزاتورلىق كولىكتەر, موتوپومپالار, سۋ سورۋ قۇرالدارى. 150 مىڭ تەكشە مەتردەن استام سۋ سورعىتىلدى.
قالا كوشەلەرىن سۋ باسۋىنا جول بەرمەۋ ءۇشىن اكىمدىك نوسەرلىك كارىز قۇرلىسى بويىنشا جۇيەلى جۇمىس جۇرگىزۋدە.
مىسالى, ب.مومىش ۇلى داڭعىلى قالاداعى پروبلەمالى ۋچاسكەنىڭ ءبىرى. اتالعان ۋچاسكەدەگى سۋ باسۋ پروبلەماسى بيىلعى جازدا شەشىمىن تابادى – كوشەدە نوسەرلىك كارىزدىڭ ماگيسترالدىك كوللەكتورىنىڭ قۇرىلىسى جۇرگىزىلۋدە. اتالعان كارىزدىڭ ۇزىندىعى شامامەن 500 مەتر, باسى داۋىلپاز كوشەسىنەن باستالىپ, ەلىم-اي كوشەسىنە دەيىن جالعاسادى (ب.مومىش ۇلى داڭعىلى بويىندا). وسىلايشا اۋماقتا جاۋىن-شاشىن كەزىندە سۋ باسۋ ماسەلەسى تولىعىمەن شەشىلەدى.
سونداي-اق "جاستار" شاعىن اۋدانىندا (تاشەنوۆ جانە اممان كوشەلەرىنىڭ قيىلىسىندا) جەتكىزۋشى كوللەكتورلاردى قايتا جاڭارتۋعا بايلانىستى تازارتۋ قوندىرعىلارىنىڭ جۇمىسى جۇرگىزىلۋدە. "جاستار" شاعىن اۋدانىنداعى جاڭا قوندىرعىلاردىڭ قۋاتى تاۋلىگىنە 42 مىڭ تەكشە مەتردەن اسادى. بۇل جاۋىن-شاشىن كارىزدەرىنىڭ وتكىزۋ قابىلەتىن ەداۋىر جاقسارتادى.
بۇل تازارتۋ قوندىرعىلارى تاشەنوۆ, باراەۆ, ءۋاليحانوۆ, يمانباەۆ كوشەلەرى مەن رەسپۋبليكا داڭعىلىنداعى تاسقىن سۋدىڭ الدىن الادى. ويتكەنى قۇرىلعى جەراستىن ورناتىلىپ, ال ۇستىندە گۇلزار سالىپ, شاعىن ساۋلەت مۇسىندەرى ورناتىپ, كوگالداندىرۋ جۇمىستارىن جۇرگىزۋ كوزدەلگەن. قۇرىلىستى 2021 جىلى اياقتاۋ جوسپارلانىپ وتىر.
2019 جىلى جاۋىن-شاشىن كارىزدەرى ماسەلەسى "مىڭجىلدىق" اللەياسى اۋدانىنداعى ەكى اۋماقتا تولىقتاي شەشىلگەن ەدى.
