فورۋمدى اقش-تاعى ەڭ بەدەلدى اناليتيكالىق ورتالىقتاردىڭ ءبىرى, بەلگىلى عالىم فرەدەريك ستارر باستاماسىمەن ورتالىق ازيا جانە كاۆكاز ينستيتۋتى, سونداي-اق امەريكالىق بەدەلدى دونالد رامسفەلد قورى ۇيىمداستىرۋدا.
ءىس-شارانىڭ نەگىزگى تاقىرىپتارى رەتىندە كوروناۆيرۋس پاندەمياسىمەن كۇرەس, ايماقارالىق ساۋدانى جانە كاسىپكەرلىكتى دامىتۋ, سونداي-اق ايماقتىق قاۋىپسىزدىك ماسەلەلەرى جانە تسيفرلىق ترانسفورماتسيانىڭ نەگىزگى اسپەكتىلەرى تالقىلاناتىن بولادى.
قازاقستاندىق تاراپتان ەلىمىزدىڭ اقش-تاعى ەلشىسى ەرجان قازىحانوۆ پەن «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ قاتىسۋشىلارعا ارناپ ءىلتيپات لەبىزىن جولدادى.
فورۋم 19 ماۋسىمعا دەيىن جالعاسادى, پانەلدىك پىكىرتالاستار كۇن سايىن ونلاين رەجيمدە وتەدى. پانەلدىك سەسسيالاردىڭ باعدارلاماسىمەن camcaforum.org سايتىندا تانىسۋعا بولادى
كەلەسى ايماقتىق فورۋم 2021 جىلى الماتىدا وتەدى دەپ كۇتىلۋدە.
CAMCA ءداستۇرلى تۇردە ايماق ەلدەرى اراسىنداعى ىنتىماقتاستىق پەن ءوزارا ءىس-قيمىلدىڭ نەگىزگى ماسەلەلەرىن تالقىلاۋ ءۇشىن رەسمي, عىلىمي جانە ىسكەر توپتاردىڭ, سونداي-اق قوعامدىق ۇيىمداردىڭ وكىلدەرىن قامتيدى.
