ول تۋعان كۇنىندە رەانيماتسيادان پالاتاعا اۋىستىرىلدى. روزا توقتانالىقىزى ونىڭ وپتيميستىك كوزقاراسى مەن وتا جاساتقان كەزدەگى باتىلدىعىنا العىس ءبىلدىردى. وسىلايشا الەكسەي الەكسەەەۆيچ 78 جاسقا تولعان كۇنى جاڭا جۇرەك قاقپاقشاسىمەن ومىرگە قايتا كەلدى
الەكسەي الەكسەەۆيچتىڭ ءوزى تەك دارىگەرلەرگە عانا ەمەس, ينستيتۋتتىڭ بۇكىل ۇجىمىنا ريزاشىلىعىن ءبىلدىرىپ, مەن دارىگەرلەرگە وتە ريزامىن, ونى سوزبەن ايتىپ جەتكىزە المايمىن, ءوزىمدى جاقسى سەزىنەمىن, دەندەرىڭىز ساۋ بولسىن, دەدى.
سونداي-اق, باسقا پاتسيەنتتەر دە الەكسەي الەكسەەۆيچتى قۇتتىقتاپ, ىزگى تىلەكتەرىن ءبىلدىردى.
كارديوحيرۋرگيا بولىمشەسىنىڭ مەڭگەرۋشىسى رۇستەم تولەۋتاەۆتىڭ ايتۋىنشا, پاتسيەنت ستاتسيونارعا جاتقىزىلعان كەزدە, ونىڭ شامالى كۇش تۇسكەندە ەنتىگۋ, اۋا جەتىسپەۋشىلىگى, جۇرەگى قىسىپ, تەز شارشاۋ, جالپى السىزدىك سياقتى شاعىمدار بولدى.ول جاعدايدىڭ اۋىرلىعىن جۇرەك جيىرىلۋىنىڭ تومەندەۋىمەن دە بايلانىستىردى.
پاتسيەنت 15 جىل بويى سوزىلمالى وبسترۋكتيۆتى وكپە اۋرۋى جانە برونح دەمىكپەسىمەن ەسەپتە تۇرعان, جۇرەككە تەكسەرىلمەگەن جانە ەمدەلمەگەن, تىنىس جەتىسپەۋشىلىگى برونح جانە وكپە پاتولوگياسىمەن بايلانىستىرىلعان.
كىاعزي وعان ارالاس اورتا اقاۋلارى (كريتيكالىق ستەنوز جانە 2 دارەجەلى جەتكىلىكسىزدىك), ميترالدى قاقپاقشانىڭ جەتكىلىكسىزدىگى, 3 دارەجەلى ارتەريالدى گيپەرتەنزيا دياگنوزى قويىلىپ, حيرۋرگيالىق ەمگە كورسەتكىشتەر بار ەكەنى ايتىلدى.
پاتسيەنتتىڭ وپەراتسيادان كەيىنگى جاعدايى تۇراقتى, ول انتيباكتەريالدى جانە دارىلىك تەراپيا الىپ, تىنىس الۋ جاتتىعۋلارىمەن اينالاسۋدا.
الماتى
