ايماقتار • 16 ماۋسىم، 2020

"ارسەلورميتتال تەمىرتاۋ" كومىر شاحتالارىنىڭ قاۋىپسىزدىگى ارتادى

19 رەت كورسەتىلدى

"ارسەلورميتتال تەمىرتاۋ" اق كومىر دەپارتامەنتى شاحتالارىنىڭ ءوندىرۋ بريگادالارىنا جۇمىسى ودان سايىن ىڭعايلى ءارى قاۋىپسىز بولادى. بۇل ءۇشىن ارنايى "قۇرىلىسمەت" جشس رگتو زاۋىتىنىڭ №1 ءوندىرىسى جاڭعىرتىلعان گم 15-29م مەحانيكالاندىرىلعان كەشەنى سەكتسيالارىنىڭ العاشقى بەس ءپروتوتيپى تانىستىرىلدى، دەپ جازادى Egemen.kz

"ارسەلورميتتال تەمىرتاۋ" اق كومىر دەپارتامەنتىنىڭ باس مەحانيگى الەكساندر تروتتىڭ ايتۋىنشا، ۇسىنىلعان جابدىق – كد جانە "قۇرىلىسمەت" جشس ماماندارىنىڭ كۇشىمەن جۇزەگە اسىرىلعان، مەحانيزاتسيالانعان بەكىتپەنىڭ جەلىلىك سەكتسيالارىنىڭ ءتورتىنشى بۋىنى بولىپ تابىلادى.

كومىر دەپارتامەنتىندە سوڭعى كەزدە ءجيى قولدانىلاتىن مەحانيكالاندىرىلعان گليننيك 08-22 جانە گليننيك 08-26 سەكتسيالارىن جاڭعىرتۋ يدەياسى 2006 جىلى پايدا بولدى. سول كەزدە پولياك ارىپتەستەرىنىڭ قاتىسۋىمەن جانە ولاردىڭ سىزبالارى نەگىزىندە ءبىرىنشى جاڭعىرتۋ جۇرگىزىلدى. وسىلايشا گم 15-29 جانە گم 14-22 سەكتسيالارىن جاساي باستادى. سودان كەيىن گليننيكتەن 15-29 گم 15-29ۋ جانە كەيىنگى موديفيكاتسيالارى جاڭارتىلدى.

"بۇل سەكتسيالار ءوز ءىز اشارى گم 15-29ۋدان شامامەن 40%-عا ەرەكشەلەنەدى"، دەپ ءتۇسىندىردى الەكساندر تروت. "بارلىعى ءبىزدىڭ كەنشىلەردىڭ جۇمىسىن ىڭعايلى جانە قاۋىپسىز ەتۋ ءۇشىن جاسالدى".

گم 15-29م جاڭا موديفيكاتسياسى قولدانىستاعىلاردان قايتا جاسالماي، "قۇرىلىسمەت" جشس وندىرىستەرىندە نولدەن دايىندالعان: جوبانى ازىرلەۋدەن جانە سىزبالاردى دايىنداۋدان باستاپ ەلەمەنتتەر مەن جيناقتاۋىشتاردى دايىنداۋعا دەيىن. "شاحتەرلەردىڭ الدىڭعى سەكتسيالاردىڭ جۇمىسى بويىنشا ايتىلعان بارلىق پىكىرلەرى ازىرلەمەلەردە ەسكەرىلدى"، دەدى "قۇرىلىسمەت" جشس ديرەكتورى عابيت ومارحانوۆ. "نەگىزگى يدەيا − جۇمىس قاۋىپسىزدىگى مەن ىڭعايلىلىعى جانە ونىمدىلىك.

جوبانى جۇزەگە اسىرۋعا جانە العاشقى بەس سەكتسيانى دايىنداۋعا بەس ايعا جۋىق ۋاقىت كەتتى. عابيت تەلمان ۇلىنىڭ ايتۋىنشا، 2020 جىلى بەكىتپەنىڭ 40 سەكتسياسىن شىعارۋ جوسپارلانۋدا. جاڭا جابدىقتى قۇرۋعا "قۇرىلىسمەت" جشس-ءنىڭ ۇجىمى تولىقتاي قاتىستى: كونسترۋكتورلار، رگتو زاۋىتى مەن نومم زاۋىتىنىڭ وندىرۋشىلەرى − كوپتەگەن ەلەمەنت وسى ءوندىرىس الاڭىندا دايىندالعان.

"مەنىڭ ويىمشا، ءبىز مۇنىمەن شەكتەلمەيمىز"، دەدى الەكساندر تروت. ء"بىز جاقسارتۋلار مەن يننوۆاتسيالار جولىنداعى جۇمىسىمىزدى جالعاستىراتىن بولامىز.

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار