ايماقتار • 16 ماۋسىم، 2020

"ديپلوممەن اۋىلعا" باعدارلاماسى 500-گە جۋىق جاسقا مۇمكىندىك بەرەدى

663 رەت كورسەتىلدى

بيىل قوستاناي وبلىسىندا اۋىلعا جۇمىسقا ورنالاسقان جاس ماماندارعا 277،8 مىڭ تەڭگە ءبىر رەتتىك جاردەماقى بەرىلەدى. سونىمەن قاتار جاستاردىڭ ءۇي سالىپ الۋىنا نەمەسە ساتىپ الۋىنا قولداۋ كورسەتىلەدى. بۇل ماقساتتا ءاربىر جاس مامانعا جىلدىق سىياقىسى 0،01% بولاتىن 4 ملن 167 مىڭ تەڭگە كولەمىندە قارجى بەرۋ كوزدەلىپ وتىر. بۇل ماسەلە وبلىس اكىمى وتكىزگەن سەلەكتورلىق وتىرىستا جان-جاقتى تالقىلاندى.

ايماقتا "ديپلوممەن اۋىلعا" باعدارلاماسى باستالعالى اۋىلدىق ەلدى مەكەندەرگە 5،1 مىڭنان استام جاس مامان بارعان. جاستاردىڭ باسپانا ماسەلەسىن شەشۋ بارىسىندا، بيىل رەسپۋبليكالىق بيۋدجەتتەن 1 ملرد 495،2 ملن تەڭگە ءبولىندى. بۇل بىلتىرعى كورسەتكىشكە قاراعاندا 55%-عا ارتقان. ال ءبىر رەتتىك جاردەماقى بەرۋدە بيۋدجەتتەن 117 ملن تەڭگە قاراستىرىلىلدى. قاراجات 421 ادامعا جەتۋى ءتيىس. قازىردىڭ وزىندە 34 جاس مامانعا 9،4 ملن تەڭگە بەرىلدى. ءۇي تۇرعىزۋعا 80 جاس ىنتا ءبىلدىردى. ولارعا 324،9 ملن تەڭگە كولەمىندە نەسيە بەرۋ جوسپارلانعان. ءۇي سالعىسى كەلەتىندەردىڭ 39-ى ۇستازدىق قىزمەتتە بولسا، 23-ءى دەنساۋلىق ساقتاۋ سالاسىنىڭ ماماندارى، دەدى ارحيمەد مۇحامبەتوۆ.

جالپى، "ديپلوممەن اۋىلعا" باعدارلاماسى  اياسىندا 3590 جاس مامان اۋىلدىق ەلدى مەكەندەرگە مۇعالىم بولىپ بارعان.  3373 مامانعا 410،5 ملن تەڭگە كولەمىندە كوتەرمە جاردەماقىسى تولەنىپ، 1466 مۇعالىمگە  3،5 ملرد تەڭگە يپوتەكالىق نەسيە بەرىلگەن. اتالعان باعدارلاما اياسىندا ۇزىن-ىرعاسى 15 مىڭعا تاياۋ مەديتسينا مامانى اۋىلعا جۇمىس ىستەۋگە بارعان.  ونىڭ 1900-ى دارىگەر، 6 مىڭنان استامى − مەدبيكە.

 

        

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار