وتكەن جاڭالىقتاردا بايانداعانداي جاڭا زەلانديا الەمدە ۆيرۋستى جەڭگەن ەكىنشى ەل بولدى. ەلدە ۆيرۋس جوق دەپ جاريالاپ, بارلىق ىشكى شەكتەۋدى الىپ تاستاعان ەدى. الايدا وسىدان كەيىن شەكاراعا قاتاڭ شەكتەۋلەر قويىلدى, تەك ەل ازاماتتارى مەن قاجەتتى جۇمىسشىلار عانا كىرە الادى.
جاڭا زەلاندياعا كەلگەندەردىڭ بارلىعى COVID-19 سىناقتان ءوتىپ, 14 كۇندىك وقشاۋلاۋ مەن كارانتين كەزەڭىنەن ءوتۋى ءتيىس.
وتكەن دۇيسەنبىدە جاڭا زەلانديا ءتورت دەڭگەيلى دابىل بەرۋ جۇيەسىنىڭ ەڭ تومەنگى دەڭگەيىنە ءوتتى. بۇل − الەمدەگى پاندەمياعا قارسى قالىپتى جاعدايعا ورالعان بىرنەشە ەلدىڭ بىرىنە اينالدى. سويتە تۇرا ۇزىن اق بۇلت ەلى الەۋمەتتىك قاشىقتىق قاجەت ەمەستىگى جانە كوپشىلىك جيىندارعا دا ەشقانداي شەكتەۋلەر قويىلماعانى تۋرالى باياندادى.
ەلدىڭ پرەمەر-ءمينيسترى دجاكيندا اردەرن بۇل جاعدايدا ء"ارى قاراي ارەكەت ەتەمىز" دەپ ەسكەرتىپ, "جويۋ − ۋاقىتتىڭ تالابى ەمەس, ۇنەمى قاداعالاپ وتىرۋ", دەيدى ءوزىنىڭ كەزەكتى سوزىندە.
تاريح بەتتەرىندە جاڭا زەلانديانىڭ ۆيرۋسپەن كۇرەسۋدەگى ءىس-ارەكەتى جوعارى باعالاناتىنى ءمالىم. ەڭ باستىسى, قاتاڭداتۋ شارالارىن كۇشەيتىپ, شەكارانى جاۋىپ جانە وقشاۋلاۋدى تەز ارادا جۇزەگە اسىرعاندارى. سوڭعى كەزدەرى جاڭا زەلانديادا اۋرۋ باستالعاننان بەرى ىندەت جۇقتىرعانداردىڭ جالپى سانى 1506-عا جەتتى. قايتىس بولعاندار سانى 22 بولىپ, وزگەرىسسىز قالا بەرمەك.
