استانا حالقىنىڭ سانى 800 مىڭنان استى. «ۇستىمىزدەگى جىلدىڭ 8 ايىندا تۇرعىنداردىڭ قاتارى 22 458 ادامعا, حالىقتىڭ تابيعي ءوسىمى 12 085-كە, كوشى-قون ءوسىمى 10 373 ادامعا ارتتى», – دەلىنگەن اقپاراتتا.
استانا حالقىنىڭ سانى 800 مىڭنان استى. «ۇستىمىزدەگى جىلدىڭ 8 ايىندا تۇرعىنداردىڭ قاتارى 22 458 ادامعا, حالىقتىڭ تابيعي ءوسىمى 12 085-كە, كوشى-قون ءوسىمى 10 373 ادامعا ارتتى», – دەلىنگەن اقپاراتتا.
ەلوردادا العاشقى «قالقىمالى» ءۇي 2014 جىلى سالىنادى. گوللانديالىق مامانداردىڭ ۇسىنىسىمەن قولعا الىنعان Citadel اتتى بۇل جوبا زاماناۋي تەحنولوگيالار ارقىلى ەليتالىق ءۇي تۇرعىزۋعا ارنالعان.
ەكسپو قالاشىعىنىڭ قۇرىلىسى الداعى كوكتەمدە قولعا الىنادى. جوبا ديزاينىنىڭ كونكۋرسى ەندى شىعارىلادى. وعان 22 مەملەكەتتەن 49 كومپانيا قاتىسۋدا. بۇلاردىڭ 20-دان استامى قازاقستاندىق كومپانيالار بولىپ وتىر.
قازاقستاندا 14 ملن. گەكتاردان استام القاپتىڭ ءدانى جينالدى. ول جالپى ەگىس تاناپتارىنىڭ 89,3 پايىزىن قۇرايدى.
قىزىلوردادا قاراعاندى وبلىسىنىڭ كۇندەرى وتەدى. بۇل تۋرالى مالىمدەگەن قالا اكىمىنىڭ ورىنباسارى رۋسلان رۇستەموۆ شارانىڭ 13 قازاندا «التىن كۇز» مەرەكەسىنىڭ سوڭىن الا باستالىپ كەتەتىنىن ايتتى.
قاشاعاندا مۇناي قايتا وندىرىلە باستادى. ول 24 قىركۇيەكتە D ارالىنداعى ولقىلىققا بايلانىستى ۋاقىتشا توقتاتىلعان بولاتىن. قۇبىر ايماعىن ينسپەكتسيالاۋ جۇمىسى 27 قىركۇيەكتە جاسالدى. گازدىڭ قاي جەردەن شىققانى انىقتالعاسىن, جوندەۋ جۇمىستارى 28 قىركۇيەكتە قولعا الىندى.
شىمكەنتتە «قازاق رومانسياداسى» حالىقارالىق بايقاۋى مارەگە جەتتى. بيىل 16-شى مارتە وتكەن ونەر سايىسىنا 5 ەلدەن كەلگەن 60-قا جۋىق ۇمىتكەر قاتىستى. باس جۇلدەنى باقىت جاقىپوۆ (بىشكەك, قىرعىزستان) جەڭىپ الدى.
«قازاقپارات», «قازاقستان جاڭالىقتارى»,
Bnews.kz, TengriNews, EgemenNews
حابارلارى بويىنشا دايىندالدى.
