قازاقستان رەسپۋبليكاسى پارلامەنتى سەناتى ەكونوميكالىق دامۋ جانە كاسىپكەرلىك كوميتەتىنىڭ مۇشەلەرى چەح رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى بەدرجيح كوپەتسكيمەن كەزدەستى. كەزدەسۋ بارىسىندا پارلامەنتارالىق ىنتىماقتاستىقتى تەرەڭدەتۋ ماسەلەلەرى تالقىلاندى, دەپ حابارلادى وسى پالاتانىڭ ءباسپاسوز قىزمەتى.
قازاقستان رەسپۋبليكاسى پارلامەنتى سەناتى ەكونوميكالىق دامۋ جانە كاسىپكەرلىك كوميتەتىنىڭ مۇشەلەرى چەح رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى بەدرجيح كوپەتسكيمەن كەزدەستى. كەزدەسۋ بارىسىندا پارلامەنتارالىق ىنتىماقتاستىقتى تەرەڭدەتۋ ماسەلەلەرى تالقىلاندى, دەپ حابارلادى وسى پالاتانىڭ ءباسپاسوز قىزمەتى.
چەحيا – قازاقستاننىڭ ەۋروپالىق وداق ەلدەرىنىڭ ىشىندەگى ماڭىزدى ارىپتەستەرىنىڭ ءبىرى. ديپلوماتيالىق قاتىناستار ورناعان 20 جىلدا بارلىق دەڭگەيدە سىندارلى جانە سەنىمدى ۇنقاتىسۋ قالىپتاستى. قازاقستان پرەزيدەنتى ن.نازارباەۆتىڭ بىلتىرعى قازان ايىنداعى چەحياعا رەسمي ساپارى تابىستى بايلانىستاردى ۇدەتە تۇسۋگە تىڭ سەرپىن بەردى.
پارلامەنت سەناتى ەكونوميكالىق دامۋ جانە كاسىپكەرلىك كوميتەتىنىڭ توراعاسى تالعاتبەك ءابايدىلدين قازاقستان مەن چەحيا پارلامەنتتەرىنىڭ جوعارى پالاتالارى اراسىندا تىعىز قارىم-قاتىناس ورنىققانىن جانە قازاقستاندىق سەناتورلار ءارىپتەس چەحيالىق كوميتەتتەگى دەپۋتاتتاردىڭ استاناعا كەلۋ نيەتىن قۇپتايتىنىن اتاپ ءوتتى.
«تاجىريبە كورسەتىپ وتىرعانداي, ءوزارا ءىس-قيمىلدىڭ بۇل ءتۇرى زاڭ شىعارۋ ماسەلەلەرى جونىندە سىندارلى ۇنقاتىسۋدى ۇدەتۋگە, ەكونوميكانى جاڭعىرتۋ جانە قوعامدىق جاڭارۋ سالاسىندا تاجىريبە الماسۋعا ىقپال ەتەدى», دەدى ت.ءابايدىلدين.
سونداي-اق, جۇزدەسۋشىلەر «قازاقستان-چەحيا» پارلامەنتارالىق دوستىق توبىنىڭ الەۋەتىن بارىنشا تولىق پايدالانۋ جانە ەقىۇ, ەۋروپا كەڭەسى جانە ناتو سەكىلدى حالىقارالىق پارلامەنتارالىق ۇيىمدار اياسىندا كوپجاقتى بايلانىستاردى دامىتۋ جايىندا ايتتى.
كەزدەسۋ سوڭىندا ت.ءابايدىلدين چەح كومپانيالارىن استانادا وتەتىن حالىقارالىق ەكسپو-2017 مامانداندىرىلعان كورمەسىنە بەلسەندى قاتىسۋعا شاقىردى.
