قازاقستان رەسپۋبليكاسى پارلامەنتى سەناتى قارجى جانە بيۋدجەت كوميتەتىندە قازاقستان مەن ليۋكسەمبۋرگ ۇلى گەرتسوگتىگىنىڭ ۇكىمەتتەرى اراسىنداعى تابىس جانە كاپيتالعا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كونۆەنتسيانى جانە وسى كونۆەنتسياعا وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوباسى قارالدى.
قازاقستان رەسپۋبليكاسى پارلامەنتى سەناتى قارجى جانە بيۋدجەت كوميتەتىندە قازاقستان مەن ليۋكسەمبۋرگ ۇلى گەرتسوگتىگىنىڭ ۇكىمەتتەرى اراسىنداعى تابىس جانە كاپيتالعا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كونۆەنتسيانى جانە وسى كونۆەنتسياعا وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوباسى قارالدى.
كونۆەنتسياعا 2008 جىلعى 26 ماۋسىمدا استانادا قول قويىلعان بولاتىن. قۇجاتتىڭ ماقساتى – ينۆەستيتسياعا قولايلى جاعداي قالىپتاستىرۋ ارقىلى قازاقستان مەن ليۋكسەمبۋرگ اراسىندا ەكونوميكالىق ىنتىماقتاستىقتى نىعايتۋ جانە كەڭەيتۋ. كونۆەنتسيا قوسارلانعان سالىق سالۋدى جويۋ ماقساتىندا جاسالعان ەكىجاقتى حالىقارالىق كەلىسىم بولىپ تابىلادى. ۋاعدالاسۋشى مەملەكەتتەردىڭ ارقايسىسى سالىق تولەۋشىگە سالىقتى ءبىر-اق رەت – ۋاعدالاسۋشى مەملەكەتتەردىڭ بىرەۋىندە عانا تولەۋ مۇمكىندىگىن قامتاماسىز ەتەدى. ەكىنشى مەملەكەت وعان سالىقتىڭ تولەنگەن سوماسىن ەسەپكە الاتىن بولادى. كونۆەنتسيادا ديۆيدەندتەرگە, پايىزدارعا جانە رويالتيگە تابىس پايدا بولعان مەملەكەتتە سالىق سالىناتىن ەرەجەلەر كوزدەلگەن.
زاڭ جوباسى پالاتانىڭ قاراۋىنا جىبەرىلدى, دەپ حابارلادى سەناتتىڭ ءباسپاسوز قىزمەتى.
