قازاقستان رەسپۋبليكاسىندا «گاز جانە گازبەن جابدىقتاۋ تۋرالى» قر زاڭىنا سايكەس (بۇدان ءارى - زاڭ) قازاقستان رەسپۋبليكاسىنىڭ ىشكى نارىعىنا ەلەكتروندىق ساۋدا الاڭدارىنان تىس وتكىزىلەتىن سۇيىتىلعان مۇناي گازىن جەتكىزۋ جوسپارى شەڭبەرىندە ىسكە اسىرىلاتىن سۇيىتىلعان مۇناي گازىنىڭ شەكتى باعالارىن (بۇدان ءارى - شەكتى باعا) مەملەكەتتىك رەتتەۋ جۇزەگە اسىرىلادى.
ەنەرگەتيكا مينيسترلىگى شەكتى باعانى ۇلتتىق ەكونوميكا مينيسترلىگىنىڭ كەلىسىمىمەن توقسان سايىن بەكىتەدى جانە ول قازاقستان رەسپۋبليكاسىنىڭ بارلىق اۋماعىندا قولدانىلادى.
شەكتى باعا 2018 جىلدىڭ ءبىرىنشى توقسانى - 2020 جىلدىڭ ەكىنشى توقسانى ارالىعىندا ققس ەسەبىنسىز 38 701,67 تگ/ت دەڭگەيىندە ساقتالدى.
شەكتى باعا 2020 جىلدىڭ 3-توقسانىندا ققس ەسەبىنسىز 28 000 تگ/ت دەڭگەيىندە بەلگىلەندى. بۇرىن, شەكتى باعا 2017 جىلدىڭ 1 توقسانىندا ققس ەسەبىنسىز 28 000 تگ/ت دەڭگەيىندە بەلگىلەنگەن بولاتىن.
بۇل رەتتە, مينيسترلىك بەكىتەتىن شەكتى باعالاردىڭ دەڭگەيىنە اسەر ەتەتىن سىرتقى نارىقتاعى باعالار شامادان تىس قۇلدىراعان جاعدايدا وتاندىق وندىرۋشىلەر ءۇشىن سالدارلاردى بارىنشا ازايتۋ ماقساتىندا شەكتى باعانى 2017 جىلدىڭ 1-توقسانىندا بەلگىلەنگەن باعالار دەڭگەيىنەن, ياعني ققس-سىز 28 000 تگ/ت تومەندەۋگە جول بەرمەۋ جونىندە ءتيىستى نورمالار كوزدەلگەن.
ءوز كەزەگىندە, سۇيىتىلعان مۇناي گازىن كوتەرمە ساۋدادا وتكىزۋ:
- سۇيىتىلعان مۇناي گازىن تۇرمىستىق تۇتىنۋشىلارعا توپتىق رەزەرۆۋارلىق قوندىرعىلار ارقىلى بولشەك ساۋدادا وتكىزۋ;
- سۇيىتىلعان مۇناي گازىن حالىققا تۇرمىستىق باللونداردا وتكىزۋ;
- سۇيىتىلعان مۇناي گازىن اۆتوموبيلدىك گاز تولتىرۋ ستانتسيالارى ارقىلى وتكىزۋ (اۆتوگاز);
- سۇيىتىلعان مۇناي گازىن ونەركاسىپتىك تۇتىنۋشىلارعا وتكىزۋ قۇنىنىڭ تومەندەۋىنە ىقپال ەتەدى.
تيىسىنشە, بۇل وڭ مۋلتيپليكاتيۆتىك ناتيجە بەرەدى جانە تۇتىنۋشىلاردىڭ شىعىندارىن ازايتۋعا الىپ كەلەدى, ول توتەنشە جاعدايدان كەيىن قالپىنا كەلتىرۋ كەزەڭىندە ايرىقشا وزەكتى بولىپ تابىلادى.
