ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا الماتى وبلىسىنا كەلگەن جۇمىس ساپارىندا ءوڭىر جاستارىمەن جانە ءوندىرىس ورىندارى جۇمىسشىلارىمەن كەزدەسىپ, «جۇمىسپەن قامتۋدىڭ جول كارتاسى-2020» مەملەكەتتىك باعدارلاماسىنىڭ ورىندالۋ بارىسىمەن تانىستى.
ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا الماتى وبلىسىنا كەلگەن جۇمىس ساپارىندا ءوڭىر جاستارىمەن جانە ءوندىرىس ورىندارى جۇمىسشىلارىمەن كەزدەسىپ, «جۇمىسپەن قامتۋدىڭ جول كارتاسى-2020» مەملەكەتتىك باعدارلاماسىنىڭ ورىندالۋ بارىسىمەن تانىستى.
ءمينيستردىڭ جۇمىس ساپارىنا وراي تالدىقورعان قالاسىنداعى ءتىل سارايىندا وڭىردەگى جۇمىسسىز جۇرگەن جاستارعا, ۇكىمەتتىك ەمەس ۇيىمدار بەلسەندىلەرىنە, كوللەدجدەر وقۋشىلارىنا اتالعان مينيسترلىكتىڭ ارنايى دايىنداعان الەۋمەتتىك ەڭبەك سالالارىنىڭ ەلەكتروندى قىزمەتتەرى مەن «قازاقستانداعى جۇمىس» پورتالى ونلاين تارتىبىندە تانىستىرىلدى.
«جۇمىسپەن قامتۋدىڭ جول كارتاسى-2020» مەملەكەتتىك باعدارلاماسى مەن الماتى وبلىسىن دامىتۋدىڭ 2011-2015 جىلدارعا ارنالعان باعدارلاماسى اياسىندا اعىمداعى جىلدىڭ 8 ايىندا وبلىستا 11805 جاڭا جۇمىس ورنى اشىلىپ, جۇمىسسىزدىق دەڭگەيى 0,3 پايىزعا تومەندەدى. تۇتاستاي العاندا, مەملەكەتتىك باعدارلامانى جۇزەگە اسىرۋعا 11 ملرد. تەڭگەگە جۋىق قارجى قاراستىرىلىپ, ءوز ماقساتىندا يگەرىلۋىنە اپتا سايىن مونيتورينگ جۇرگىزىلىپ وتىرادى. وبلىس حالقىنىڭ 70 پايىزى اۋىلداردا تۇراتىندىقتان, بولىنگەن قاراجاتتىڭ 8,4 ملرد. تەڭگەسى ەلدى مەكەندەردى دامىتۋعا جۇمسالۋدا, دەدى الماتى وبلىسى اكىمىنىڭ ءمىندەتىن اتقارۋشى اماندىق باتالوۆ.
جەتىسۋ وڭىرىندە مەملەكەتتىك باعدارلامانىڭ ەكىنشى باعىتى – شاعىن نەسيەلەۋ جۇمىسى دا قارقىندى جۇرگىزىلۋدە. مەملەكەتتەن جەڭىلدىكپەن بەرىلىپ وتىرعان نەسيەنى دەر كەزىندە العان اۋىل تۇرعىندارى ۇتقىرلىقپەن شارۋاسىن رەتكە كەلتىرىپ, كاسىپكەرلىك كورىگىن قىزدىرىپ وتىر. مينيسترگە ءبۇگىندە ەڭبەك ەتكىسى, جەكە كاسىبىن اشقىسى كەلگەن جانعا مەملەكەت تاراپىنان جاسالىپ وتىرعان قولداۋدىڭ جاقسى ەكەندىگىن جارىسا جەتكىزگەن جاندار الداعى ۋاقىتتا ءوز كاسىپكەرلىگىن كەڭەيتۋگە جاساعان جوسپارلارىن دا جاسىرمادى.
تامارا دۇيسەنوۆا جۇمىس ساپارىنىڭ ءبىرىنشى كۇنى جاستارمەن جۇزدەسكەن سوڭ تەكەلىدەگى ىرگەلى كاسىپورىن «قازمىرىش-جەك» جشس-ءنىڭ جۇمىسىن كورىپ, قالانى جىلۋمەن, ىستىق سۋمەن قامتاماسىز ەتىپ وتىرعان كەشەندەگى تىرلىككە كوڭىلى تولعانىن اڭعارتتى. وسى ءوندىرىس ورنىندا تالدىقورعان ايماعىنداعى ءىرى ءوندىرىس ورىندارى – «قازمىرىش-جەك», «تاتەك», «قاينار-اكب», «مەتاكون تك», ينفروەنەرگو» جشس باسشىلارىمەن, جۇمىسشىلارىمەن جۇزدەسىپ, مەملەكەت باسشىسىنىڭ مىندەتتى كاسىبي زەينەتاقى جارنالارى جونىندەگى تاپسىرماسىن جان-جاقتى ءتۇسىندىردى.
ەڭبەك جانە حالىقتى الەۋمەتتىك قورعاۋ ءمينيسترى الماتى وبلىستىق اكىمدىگىندە ۇشجاقتى كوميسسيانىڭ مۇشەلەرىمەن كەزدەسىپ, «كاسىپوداقتار تۋرالى» زاڭ جوباسى جايلى ايتىپ بەردى. وبلىس ورتالىعىنىڭ ءىرگەسىندەگى كوكسۋ اۋدانىنىڭ تۇرعىندارىمەن كەزدەسىپ, «جۇمىسپەن قامتۋدىڭ جول كارتاسى- 2020» باعدارلاماسىنا سايكەس اتقارىلىپ جاتقان جۇمىستاردى ءوز كوزىمەن كوردى. «نۇر وتان» حدپ الماتى وبلىستىق فيليالىنىڭ عيماراتىندا ازاماتتاردى جەكە ماسەلەلەرى بويىنشا قابىلداپ, ولاردى تولعاندىراتىن پروبلەمالاردىڭ جەرگىلىكتى دەڭگەيدە شەشۋگە بولاتىندارىن رەتتەۋ جونىندە ءتيىستى تۇلعالارعا تاپسىرمالار بەردى. تالدىقورعانداعى «جاستار» سپورت سارايىندا اۋىلدىق وكرۋگ اكىمدەرى, جۇمىسپەن قامتۋ جانە الەۋمەتتىك باعدارلامالار بولىمدەرى باسشىلارىمەن «جۇمىسپەن قامتۋدىڭ جول كارتاسى-2020» مەملەكەتتىك باعدارلاماسىنىڭ جاڭا مۇمكىندىكتەرى» تاقىرىبىندا وتكەن سەمينارعا قاتىسىپ, اۋىل ءومىرىنىڭ كەيبىر تۇيتكىلدەرىمەن ەتەنە تانىستى.
نۇربول الدىباەۆ,
«ەگەمەن قازاقستان».
الماتى وبلىسى.
